اڄ هڪ ڀيرو ٻيهر پاڪستان ٺاهڻ وارن جي اولادن کي انهن جا ئي رياستي ادارا بغير ڪنهن ڏوھ جي گرفتار ڪري ماورائي عدالت قتل ڪري رهيا آهن. ايم ڪيو ايم ڪنوينر نديم نصرت

 واشنگٽن ڊي سي: 24 جولائي 2016 

                 ايم ڪيو ايم ڪنوينر نديم نصرت چيو آهي ته ايم ڪيو ايم نه صرف هڪ سياسي جماعت آهي بلڪه اها پنهنجي پاڻ ۾ هڪ تحريڪ به آهي. انهن خيالن جو اظهار انهن آمريڪا ۾ وائيٽ هائوس جي سامهون هڪ وڏي مظاهري کي خطاب ڪندي ڪيو. ان موقعي تي ٻيا به موجود هئا. نديم نصرت چيو ته تحريڪن جي بنياد مضبوط نظريي تي هوندي آهي ۽ اهو ئي سبب آهي ته تحريڪن ۾ شامل ماڻهو هميشه تحريڪ جي نظريي جي خالق سان وفادار رهن ٿا. انهن چيو ته اڄ هڪ ڀيرو ٻيهر پاڪستان ٺاهڻ وارن جي اولادن کي انهن جا ئي رياستي ادارا گرفتار ڪري رهيا آهن ۽ انهن کي ماورائي عدالت قتل به ڪري رهيا آهن ۽ انهن کي لاپتا به ڪري رهيا آهن. ان موقعي تي آمريڪا جي سينٽرل آرگنائيزر متين يوسف خطاب ڪندي چيو ته پاڪستان جي سياسي تاريخ ۾ ايم ڪيو ايم جي ڪارڪنن جيتريون قربانيون ڏنيون آهن ايتريون ٻئي ڪنهن به  جماعت جي ڪارڪنن نه ڏنيون آهن. ان کان پوءِ هڪ خصوصي رسالي جو اجرا به ڪيو ويو. اهو اجرا ايم ڪيو ايم جي ڪنوينر نديم نصرت ڪيو.