23 جولائي بروز ڇنڇر تي آمريڪا ۾ وائيٽ هائوس جي ٻاهران ٿيندڙ مظاهرو مهاجرن جي حقن جي جدوجهد جي لاءِ هڪ وڏو سنگ ميل ثابت ٿيندو. متين يوسف
مظاهري کي قائد تحريڪ جناب الطاف حسين خطاب به فرمائيندا
واشنگٽن ڊي سي: 22 جولائي 2016
متحده قومي موومينٽ آمريڪا جي زير اهتمام 23 جولائي بروز ڇنڇر تي آمريڪا ۾ وائيٽ هائوس جي ٻاهران ڪراچي ۾ مهاجرن جي خلاف متعصبانه آپريشن، ڪارڪنن جي ڏاڍ جي زور تي گمشدگين، ڪارڪنن جي ماورائي عدالت قتلن ۽ قائد تحريڪ جناب الطاف حسين جي تقريرن ۽ بيانن تي غير آئيني پابندين جي خلاف هڪ وڏو احتجاجي مظاهرو ڪيو ويندو. اهو اعلان ايم ڪيو ايم آمريڪا جي سينٽرل آرگنائيزر متين يوسف ڪنوينشن ۾ پريس بريفنگ ڏيندي. ڪيو. متين يوسف وڌيڪ چيو ته ايم ڪيو ايم جو دهشت گردي، طالبانائيزيشن، داعش ۽ انهن جي سهولت ڪارن جي خلاف نهايت واضع موقف آهي ۽ انهي جي ڪري ايم ڪيو ايم ڪراچي سميت سڄي پاڪستان ۾ طالبان، داعش ۽ ڏوهاري ماڻهن جي خاتمي جي لاءِ فوجي آپريشن جو مطالبو ڪيو هو . پر ان آپريشن جو رخ ايم ڪيو ايم ڏانهن موڙيو ويو آهي. انهن چيو ته گذريل ٽن سالن ۾ ڪراچي آپريشن ۾ ايم ڪيو ايم جي 61 ڪارڪنن کي ماورائي عدالت قتل ڪيو ويو آهي ۽ 135 ڪارڪن هن مهل تائين لاپتا آهن. جنهن جي جيتري به مذمت ڪئي وڃي اها گهٽ آهي.
*****