ايم ڪيو ايم رابطا ڪميٽي جي طرفان پاڪستان جي تاريخي ۽ قومي ورثي ريڊيو پاڪستان جي عمارت تي رينجر جي طرفان قبضي ڪرڻ جي سخت ترين لفظن ۾ مذمت
ڪراچي: 17 جولائي 2016
ايم ڪيو ايم جي رابطا ڪميٽي پاڪستان جي تاريخي ۽ قومي ورثي ريڊيو پاڪستان جي عمارت تي رينجر جي قبضي ڪرڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته ريديو پاڪستان جي عمارت هڪ قومي ورثو آهي جنهن تي رينجر قبضو ڪري ورتو آهي ۽ ان قبضي تي اين جي اوز کي به پنهنجي آواز بلند ڪرڻ گهرجي. رابطا ڪميٽي چيو ته رينجر کي گهرجي ته اها ريڊيو پاڪستان جي عمارت تي قبضو ڪرڻ جي بجاءِ لاڙڪاڻي ۾ اسد کرل ۽ طارق سيال کي گرفتار ڪري جن قانون جون ڌڄيون اڏائي ڇڏيون آهن. رابطا ڪميٽي صدر مملڪت، وزير اعظم ميان نواز شريف، گورنر سنڌ ۽ وزير اعلٰي سنڌ کان مطالبو ڪيو ته اهي ريڊيو پاڪستان جي عمارت تي رينجر جي قبضي جو نوٽس وٺن ۽ اهو قبضو فوري طور تي ختم ڪرائين.
*****