ايم ڪيو ايم جي قائد جناب الطاف حسين جي سيد شعيب بخاري مرحوم جي ننڍي ڀاءُ فضيل بخاري سان فون تي تعزيت
تحريڪ جي لاءِ شعيب بخاري جون وڏيون قربانيون آهن جن کي ڪڏهن به وساري نه ٿو سگهجي.قائد تحريڪ جناب الطاف حسين
لنڊن: 19 جولائي 2016
متحده قومي موومينٽ جي قائد جناب الطاف حسين ايم ڪيو ايم جي ممتاز اڳواڻ سيد شعيب بخاري ايڊووڪيٽ جي وفات تي مرحوم جي ننڍي ڀاءُ فضيل بخاري سان فون تي تعزيت ڪئي آهي. پنهنجي هڪ بيان ۾ جناب الطاف حسين فضيل بخاري سان تعزيت ڪندي فرمايو ته تحريڪ جي لاءِ شعيب بخاري جون وڏيون قربانيون آهن. جن کي ڪڏهن به وساري نه ٿو سگهجي. شعيب بخاري مرحوم آزمائش جي وقتن ۾ ۽ تمام تر مشڪلاتن جي باوجود نائن زيرو تي خدمتون انجام ڏيندا رهيا ۽ انهن کي 1998 ۾ گرفتار ڪري سرڪاري حراست ۾ تشدد جو نشانو به بڻايو ويو هو. جنهن کان پوءِ انهن جي طبيعت لڳاتار خراب رهندي رهي ۽ اهي اڄ الله سائين کي پيارا ٿي ويا. جناب الطاف حسين فرمايو ته شعيب بخاري شهيد آهن ۽ انهن جون قربانيون ناقابل فراموش آهن. جناب الطاف حسين فرمايو ته شعيب بخاري شهيد جي جنازي نماز جناح گرائونڊ عزيز آباد ۾ وڏي شاندار طريقي سان ادا ڪئي ويندي ۽ انهن کي ڀرپور اعزاز سان مٽي ماءُ حوالي ڪيو ويندو. انهن فضيل بخاري کي چيو ته مان شعيب بخاري جي وفات تي اوهان ۽ اوهان جي گهر وارن سان دلي تعزيت ڪريان ٿو ۽ دعا ڪريان ٿو ته الله تعالٰي شعيب بخاري مرحوم جا درجات بلند فرمائي ۽ انهن کي جنت الفردوس ۾ اعلٰي مقام عطا فرمائي ۽ سمورن سوگوار پونئرن کي اهو صدمو برداشت ڪرڻ جو حوصلو عطا فرمائي. آمين.
*****