رابطا ڪميٽي ميمبر اظهار احمد خان کي فوري طور تي آزاد ڪيو وڃي. ايم ڪيو ايم رابطا ڪميٽي

ڪراچي: 12 جولائي 2016 

                 متحده قومي موومينٽ جي رابطا ڪميٽي رينجر جي طرفان رابطا ڪميٽي ميمبر اظهار احمد خان جي بي ڏوهي گرفتاري جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته اظهار احمد خان رابطا ڪميٽي ميمبر عبدالحسيب جي عيادت جي لاءِ انهن جي گهر فيڊرل بي ايريا ۾ ويا هئا ته ويگو گاڏي ۾ سوار رينجر جي اهلڪارن انهن کي گرفتار ڪري ورتو. رينجر وارن گرفتاري جو سبب ٻڌائڻ کان به انڪار ڪري ڇڏيو ۽ انهن کي پاڻ سان گڏ اڻ ڄاتل هنڌ ڏانهن وٺي ويا. رابطا ڪميٽي چيو ته اظهار احمد خان بلڊ پريشر ۽ دل جا مريض آهن. جنهن جي ڪري اهي باقائدگي سان دوائون استعمال ڪن ٿا. رابطا ڪميٽي چيو ته رينجر جي طرفان اظهار احمد خان جي بي ڏوهي گرفتاري سان انهن جي زندگي کي سنگين خطرو لاحق آهي. رابطا ڪميٽي چيو ته هڪ منظم سازش جي تحت ايم ڪيو ايم کي ختم ڪرڻ جي منصوبي تي عمل ڪيو پيو وڃي ۽ ايم ڪيو ايم جي اڳواڻڻ، چونڊيل نمائندن، ذميوارن ۽ ڪارڪنن کي غير قانوني طور تي گرفتار ڪري انهن کي اسٽيبلشمينٽ جي ٽولي ۾ شامل ڪرڻ تي مجبور ڪيو پيو وڃي ۽ اظهار احمد خان جي گرفتاري به انهي سازشي منصوبي جي هڪ ڪڙي آهي، جنهن جي جيتري به مذمت ڪئي وڃي اها گهٽ آهي. رابطا ڪميٽي چيو ته گذريل ٽن سالن کان جاري ڪراچي آپريشن جي دوران ايم ڪيو ايم جي 61 ڪارڪنن کي حراست جي دوران بدترين تشدد جو نشانو بڻائي ڪري ماورائي عدالت قتل ڪيو ويو آهي۽ جڏهن ته 135 ڪارڪنن کي ڏاڍ جي زور تي لاپتا به ڪيو ويو آهي. رابطا ڪميٽي چيو ته ايم ڪيو ايم جي اڳواڻڻ ۽ ڪارڪنن جون غير قانوني گرفتاريون، ڪارڪنن جي ماورائي عدالت قتلن جي واقعن ۽ رياستي طاقت جو ناجائز استعمال ڪري انهن جون سياسي وفاداريون تبديل ڪرائڻ مهاجرن جي بنيادي انساني حقن جي سنگين خلاف ورزي آهي ۽ هر گذرندڙ ڏينهن مهاجرن ۽ انهن جي واحد نمائنده جماعت کي ڪڇلڻ جي لاءِ قانون نافذ ڪرڻ وارن ادارن جي طرفان رياستي ظلمن تي جمهوريت پسند مهاجرن ۾ وڏي ڪاوڙ جي لهر پاتي وڃي ٿي. جنهن جو نوٽس وٺڻ اختياري ڌرين جو بنيادي فرض آهي.رابطا ڪميٽي صدر مملڪت ممنون حسين، وزير اعظم ميان نواز شريف، آرمي چيف جنرل راحيل شريف، وفاقي وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي اظهار احمد خان جي غير قانوني گرفتاري جو فوري طور تي نوٽس وٺن ۽ انهن کي جلد کان جلد آزاد ڪرائين ۽ ايم ڪيو ايم جي خلاف رياستي طاقت جو ناجائز استعمال به بند ڪرائين. رابطا ڪميٽي انساني حقن جي ملڪي ۽ عالمي تنظيمن کي به اپيل ڪئي ته اهي اظهار احمد خان سميت ايم ڪيو ايم جي سمورن اڳواڻڻ ۽ ڪارڪنن جي غير قانوني گرفتارين جو نوٽس وٺن ۽ پاڪستان ۾ وسندڙ ڪروڙين مهاجرن جي بنيادي انساني حقن جي خلاف ورزين جي لڳاتار واقعن تي احتجاج جي آواز به بلند ڪن. 

*****