امجد صابري جو رت اڃان خشڪ به نه ٿيو هو ته سيد فرحان علي عرف علي وارث رضوي جي ڪار تي به فائرنگ جو واقعو ٿي ويو

ڪراچي: 23 جون 2016 

                  متحده قومي موومينٽ جي رابطا ڪميٽي ڪراچي ۾ عالمي شهرت يافته قوال امجد صابري جي وحشياڻي قتل جي فورن بعد ڪراچي ۾ تين هٽي تي نالي واري نعت خوان ۽ نوحه خوان سيد فرحان علي رضوي عرف علي وارث جي ڪار تي اڻ ڄاتل دهشت گردن جي طرفان فائرنگ ڪرڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته هڪ ڏينهن ۾ٻن نالي وارين شخصيتن تي قاتلاڻه حملا ان ڳالھھ جي نشاندهي ڪري رهيا آهن ته دهشت گردن کي ڪنهن جو به خوف نه آهي ۽ اهي وڏي دليري سان جتي به چاهين ٿا ۽ جنهن کي به چاهين ٿا ته ان کي رت ۾ وينجهاري ڇڏين ٿا. رابطا ڪميٽي چيو ته اڃان امجد صابري شهيد جو  رت خشڪ به نه ٿيو هو ته دهشت گردن علي وارث جي ڪار تي به فائرنگ ڪري ڏني جنهن مان اهو ظاهر ڪري ٿو ته دهشت گرد ڪراچي جو امن تباھ ڪرڻ جي پويان آهن ۽ ان سان گڏو گڏ اهو سوال به اٿي ٿو ته ڇا ڪراچي آپريشن کان پابندي وڌل مذهبي تنظيمون آجيون آهن. رابطا ڪميٽي مطالبو ڪيو ته سيد علي وارث جي ڪار تي فائرنگ جي واقعي جو نوٽس ورتو وڃي ۽ فائرنگ ڪندڙ دهشت گردن کي گرفتار ڪري عبرتناڪ سزا ڏني وڃي.

*****