متحده قومي موومينٽ امجد صابري جي شهادت تي ٽي روزه سوڳ جو اعلان ڪري ڇڏيو
ٽن ڏينهن تائين سڄي ملڪ ۾ ايم ڪيو ايم جون سموريون سياسي ۽ تنظيمي سرگرميون معطل رکيون وينديون
ڪراچي: 22 جون 2016
متحده قومي موومينٽ عالمي شهرت يافته صوفي ۽ قوال امجد صابري جي شهادت تي ٽن ڏينهن جي سوڳ جو اعلان ڪري ڇڏيو آهي. اهو اعلان رابطا ڪميٽي جي هنگامي اجلاس ۾ ڪيو ويو. تفصيلات جي مطابق اڄ نائن زيرو تي رابطا ڪميٽي، اسيمبلي ميمبرن، شعبن جي ميمبرن ۽ زونل ڪميٽين جي ميمبرن جي ذميوارن جو گڏيل اجلاس منعقد ٿيو جنهن جي صدارت رابطا ڪميٽي جا ڪنوينر نديم نصرت ڪري رهيا هئا. اجلاس جي دوران معروف ۽ نالي واري قوال ۽ قائد تحريڪ جناب الطاف حسين سان بي پناھ محبت ڪرڻ واري امجد صابري جي شهادت جي افسوسناڪ اطلاع ملي، جنهن تي اجلاس جي ڪاروائي فوري طور تي روڪي وئي. ان کان پوءِ رابطا ڪميٽي جو هنگامي اجلاس ٿيو. جنهن ۾ گڏيل طور تي فيصلو ڪيو ويو ته امجد صابري جي شهادت تي ٽن ڏينهن جو سوڳ ملهايو ويندو ۽ ان دوران سڄي ملڪ ۾ ايم ڪيو ايم جون سموريون سياسي ۽ تنظيمي سرگرميون معطل رکيون وينديون. ٽي روزه سوڳ جي دوران سڄي ملڪ ۾ گهرن ۽ دڪانن تي ڪارا جهنڊا لهرايا ويندا ۽ ٻانهن تي ڪاريون پٽيون ٻڌيون وينديون. ان کان علاوه نديم نصرت ايم ڪيو ايم جي سمورن اڳواڻڻ، چونڊيل نمائندن، ذميوارن ۽ ڪارڪنن کي هدايت ڪئي ته اهي فوري طور تي امجد صابري جي رهائش گاھ تي پهچن ۽ سوگوارن سان مڪمل يڪجهتي جو اظهار ڪن.
*****