قائد تحريڪ جناب الطاف حسين ۽ ايم ڪيو ايم جي بينڪ اڪائونٽن جي حوالي سان شايع ۽ نشر ٿيندڙ خبرون بي بنياد آهن. ايم ڪيو ايم ترجمان
ڪراچي: 17 جون 2016
متحده قومي موومينٽ جي ترجمان مختلف چينلن تي قائد تحريڪ جناب الطاف حسين ۽ ايم ڪيو ايم جي بينڪ اڪائونٽن جي حوالي سان شايع ۽ نشر ٿيندڙ خبرن جي سختي سان ترديد ڪئي آهي ۽ انهن خبرن کي بي بنياد قرار ڏنو آهي. پنهنجي هڪ بيان ۾ ترجمان چيو ته قائد تحريڪ جناب الطاف حسين ۽ ايم ڪيو ايم جي بينڪ اڪائونٽن جي حوالي سان سامهون ايندڙ ڪهاڻي ۾ ۽ لڳايل الزامن ۾ ڪائي به صداقت نه آهي.قائد تحريڪ جناب الطاف حسين ۽ ايم ڪيو ايم وٽ هڪ وقت ۾ هميشه ايترائي بينڪ اڪائونٽ رهيا آهن جيترا جو ڪنهن عام ماڻهو جا هوندا آهن. ترجمان چيو ته مذڪوره خبر جي ذريعي سان قائد تحريڪ جناب الطاف حسين ۽ ايم ڪيو ايم کي بدنام ڪيو پيو وڃي ۽ ان جي ساک خراب ڪرڻ جي ڪوشش ڪئي پئي وڃي. جنهن تي ايم ڪيو ايم قانوني ڪاروائي ڪرڻ جو پورو حق رکي ٿي ۽ ان سلسلي ۾ ايم ڪيو ايم جا اڳواڻ وڪيلن سان مشورا ڪري رهيا آهن.ترجمان چيو ته ڇو ته ان خبر ۾ اهو دعوٰ ڪيو ويو آهي ته اهي اطلاعون اسڪاٽ لينڊ يارڊ فراهم ڪيون آهن ان جي ڪري ايم ڪيو ايم جي وڪيلن جي طرفان وضاحت جي لاءِ اسڪاٽ لينڊ يارڊ کي به خط لکيو پيو وڃي.
*****