تمام تر دعوٰئن جي باوجود رمضان شريف جي مهيني ۾ ڪراچي ۾ پاڻي جو بحران ۽ بجلي جي لوڊشيڊنگ جاري رهڻ وڏو ظلم آهي. سنڌ اسيمبلي جا حق پرست ميمبر
ڪراچي: 9 جون 2016
سنڌ اسيمبلي جي حق پرست ميمبرن رمضان شريف جي مقدس مهيني ۾ ڪراچي ۾ پاڻي جي سخت بحران ۽ بجلي جي ڊگهي لوڊشيڊنگ تي وڏي ڳڻتي جو اظهار ڪيو آهي. پنهنجي هڪ بيان ۾ انهن چيو ته شهر ۾ پاڻي جو بحران ۽ بجلي جي غير اعلانيه لوڊشيڊنگ سان عوام پهرين ئي پريشان هئا. پر هاڻي رمضان شريف ۾ به شهرين کي پاڻي جي سخت قلت ۽ بجلي جي ڊگهي لوڊشيڊنگ کي منھھ ڏيڻو پئجي رهيو آهي. جنهن جي جيتري به مذمت ڪئي وڃي اها گهٽ آهي. انهن چيو ته ڪراچي جا شهري ملڪ کي 60 سيڪڙو کان وڌيڪ ٽيڪس ڏين ٿا. پر ان جي باوجود ڪراچي جي شهرين کي تڙپائڻ جو عمل جاري آهي ڇا اهو تعصب نه آهي؟ انهن حڪمرانن کان سوال ڪيو ته آخر ڪراچي جيڪو سڄي ملڪ کي پالي رهيو آهي ان سان اهو سلوڪ ڇو پيو ڪيو وڃي؟ انهن وزير اعظم ميان نواز شريف ۽ وزير اعلٰي سنڌ سيد قائم علي شاھ کان مطالبو ڪيو ته اهي ڪراچي ۾ پاڻي جي سخت بحران ۽ بجلي جي غير اعلانيه ۽ ڊگهي لوڊشيڊنگ جو سختي سان نوٽس وٺن ۽ ڪراچي جي شهرين کي پاڻي جي بحران ۽ بجلي جي ڊگهي لوڊشيڊنگ جي عذاب کان نجات ڏيارين.
*****