ايم ڪيو ايم حيدرآباد جي سابق سيڪٽر انچارج نديم قاضي کي فوري طور تي آزاد ڪيو وڃي. رابطا ڪميٽي
ڪراچي: 24 مئي 2016
متحده قومي موومينٽ جي رابطا ڪميٽي حيدرآباد زون جي سابق انچارج نديم قاضي جي بي ڏوهي گرفتاري جي سخت ترين لفظن ۾ مذمت ڪندي چيو آهي ان قسم جا واقعا ايم ڪيو ايم جي خلاف سازشن جو هڪ حصو آهن. پنهنجي هڪ بيان ۾ رابطا ڪميٽي چيو ته نديم قاضي حيدرآباد بورڊ آفيس ۾ نوڪري ڪن ٿا اڄ ڊبل ڪيبن ۽ پوليس موبائيل ۾ سوار پوليس وارن ۽ سي آئي اي جي اهلڪارن بورڊ آفيس تي ڇاپو هڻي ڪري نديم قاضي کي گرفتار ڪري ورتو. رابطا ڪميٽي چيو ته هڪ منظم سازش جي تحت ڪراچي ۽ حيدرآباد ۾ ايم ڪيو ايم جي ذميوارن، ڪارڪنن ۽ چونڊيل نمائندن کي گرفتار ڪري انهن تي سياسي وفاداريون مٽائڻ جي لاءِ دٻاءُ وڌو پيو وڃي. جنهن جي جيتري به مذمت ڪئي وڃي اها گهٽ آهي. رابطا ڪميٽي وفاقي ۽ صوبائي حڪومت کان مطالبو ڪيو ته نديم قاضي جي بي ڏوهي گرفتاري جو نوٽس ورتو وڃي ۽ انهن کي فوري طور تي آزاد ڪيو وڃي ۽ ايم ڪيو ايم جي خلاف سازشن جي سلسلي کي فوري طور تي بند ڪيو وڃي.
*****