تحريڪ هڪ درياء وانگر آهي.جيڪا لکين ايڪڙ زمين کي سيراب ڪري ٿي ۽ پاڻ ۾ شامل ٿيندڙ گند کي ڪناري تي به لڳائي ٿي. رابطا ڪميٽي ميمبر محمد حسين
ڪراچي: 24 مئي 2016
سنڌ اسيمبلي جي تڪ 117 ۾ ٿيندڙ ننڍي چونڊ جي سلسلي ۾ ايم ڪيو ايم جي تحت نفيس آباد اي ايريا يوسي 19 ، پي آئي بي جهانگير روڊ ٽائون ۾ هڪ وڏي ڪارنر ميٽنگ جو انعقاد ڪيو ويو. جنهن ۾ رابطا ڪميٽي ميمبر محمد حسين، اسيمبلي ميمبرن عامر معين پيرزاده، فيصل رفيق، سي اي سي ميمبرن ۽ ٻين کان علاوه عوام وڏي تعداد ۾ شرڪت ڪئي. ان موقعي تي خطاب ڪندي رابطا ڪميٽي ميمبر محمد حسين چيو ته تحريڪ هڪ درياء وانگر آهي. جيڪا لکين ايڪڙ زمين کي سيراب ڪري ٿي ۽ پاڻ ۾ شامل ٿيندڙ گند کي به ڪناري تي لڳائي ٿي. انهن چيو ته اڄ ڪارڪنن تي وڏو تشدد ڪيو پيو وڃي۽ انهن کي ماورائي عدالت قتل به ڪيو پيو وڃي پر ان جي باوجود ڪارڪن اڄ به ثابت قدم آهن ۽ حق پرستي جي رستي تي ڄميل آهن. انهن چيو ته جڏهن کان اها تحريڪ وجود ۾ آئي آهي تڏهن کان ئي قائد تحريڪ جناب الطاف حسين جي ذات تي طرح طرح جا بي بنياد الزام لڳايا پيا وڃن پر هر ڀيري عوام انهن الزامن کي رڌ ڪري ڇڏيو آهي ۽ اڄ به رڌ ڪري رهيا آهن. انهن چيو ته اسان جي ابن ڏاڏن لکين جانين جي قرباني ڏني پر ان جي باوجود مهاجرن کي ڪڏهن غدار ته ڪڏهن را جو ايجنٽ قرار ڏنو پيو وڃي. انهن عوام کي پرزور اپيل ڪئي ته اهي 2 جون تي وڏي تعداد ۾ پنهنجن گهرن کان نڪرن ۽ حق پرست اميدوار کي ووٽ ڏيئي ڪري باطل قوتن کي اهو ڄاڻائي ڇڏين ته اهو تڪ قائد تحريڪ جناب الطاف حسين جي چاهڻ وارن جو قلعو آهي.ان موقعي تي تڪ نمبر 117 جي نامزد حق پرست اميدوار سيد قمر عباس رضوي ۽ اسيمبلي ميمبر عامر معين پيرزاده به خطاب ڪيو.
*****