چيئرمين عظيم احمد طارق شهيد جو قتل ايم ڪيو ايم کي هن ڌرتي تان ميٽڻ جي هڪ وڏي سازش جو حصو هو. قائد تحريڪ جناب الطاف حسين

لنڊن: پهرين مئي 2016 

                 متحده قومي موومينٽ جي قائد جناب الطاف حسين ايم ڪيو ايم جي سابق چيئرمين عظيم احمد طارق شهيد جي 23 هين ورسي جي موقعي تي پنهنجي هڪ بيان ۾ فرمايو آهي ته ايم ڪيو ايم جي خلاف فوجي آپريشن جي دوران پهرين مئي 1993 تي چيئرمين عظيم احمد طارق شهيد کي وڏي بي دردي سان قتل ڪيو ويو، انهن جو قتل ايم ڪيو ايم کي هن ڌرتي تان ميٽڻ جي هڪ وڏي سازش جو حصو هو ۽ اها سازش اڄ به جاري آهي ۽ اڄ به ايم ڪيو ايم کي ختم ڪرڻ جون ڪوششون ڪيون پيون وڃن. جناب الطاف حسين فرمايو ته ايم ڪيو ايم جي مشن و مقصد جي حق پرستانه جدوجهد جي دوران هزارين ڪارڪنن پنهنجين قيمتي جانين کي تحريڪ جي نظريي تي قربان ڪيو پر پنهنجي ضمير جو سودو نه ڪيو ۽ اهي امر ٿي ويا.تحريڪ جي انهن شهيدن جي قربانين کي ڪڏهن به فراموش نه ڪيو ويندو ۽ انهن جنهن مشن و مقصد جي حصول جي لاءِ پنهنجين جانين جو نذرانو پيش ڪيو ان جي لاءِ جدوجهد جاري رکي ويندي. جناب الطاف حسين دعا فرمائي ته الله تعالٰي عظيم احمد طارق شهيد سميت تحريڪ جي سمورن شهيدن کي جنت الفردوس ۾ اعلٰي مقام عطا فرمائي ۽ شهيدن جي عظيم قربانين کي قبول فرمائي. آمين.

*****