ايم ڪيو ايم ايلڊر ونگ جي تنظيم نو جي سلسلي ۾ خورشيد بيگم سيڪريٽريٽ ۾ اجلاس
بزرگ ڪارڪنَ ايم ڪيو ايم جي لاءِ اثاثو آهن. رابطا ڪميٽي ميمبر عارف خان، عبدالقادر خانزده ۽ مطيع الرحمٰن
ڪراچي: 21 اپريل 2016
متحده قومي موومينٽ ايلڊر ونگ جي تنظيم نو جي سلسلي ۾ نائن زيرو تي خورشيد بيگم سيڪريٽريٽ ۾ اجلاس ٿيو. جنهن ۾ ايلڊر ونگ جي ٽائون آرگنائيزرن، يوسي آرگنائيزرن ۽ ميمبرن جي نالن جو اعلان ڪيو ويو. ان موقعي تي ڪارڪنن جي وڏي تعداد موجود هئي. ان موقعي تي خطاب ڪندي رابطا ڪميٽي ميمبر عارف خان چيو ته بزرگ ڪارڪن ايم ڪيو ايم جو اثاثو آهن ۽ تحريڪ تي جڏهن به ڏکيو وقت آيو آهي ته ايم ڪيو ايم جي هڪ هڪ بزرگ همت ۽ جرت جو مظاهرو ڪري هڪ شيهي رسيل ڀت جو ڪردار ادا ڪيو آهي. ان موقعي تي خطاب ڪندي رابطا ڪميٽي ميمبر عبدالقادر خانزاده چيو ته جن تحريڪن ۾ بزرگن جي وڏي تعداد موجود هوندي آهي ته اهي تحريڪون همت ۽ حوصلي سان مالامال هونديون آهن ۽ اهو ئي حوصلو اسان کي ڏکئي وقت ۾ سهارو فراهم ڪري ٿو. ان موقعي تي خطاب ڪندي رابطا ڪميٽي ميمبر مطيع الرحمٰن چيو ته جناب الطاف حسين تحريڪ جي هر فيصلي ۾ بزرگن جي رائي کي اهميت ڏين ٿا ۽ انهن جي رائي جو احترام ڪن ٿا. انهن چيو ته بزرگن جو تجربو ۽ ثابت قدمي ڪارڪنن جي لاءِ مشعل راھ آهي ۽ اهو تجربو ۽ ثابت قدمي ڪارڪنن جي لاءِ مددگار به ثابت ٿئي ٿو.
*****