ايم ڪيو ايم شعبه خواتين جي زير اهتمام لال قلعه گرائونڊ عزيز آباد ۾ خواتين جو اجتماع
حق پرست امڙيون ۽ ڀينرون اڄ به پوري مضبوطي سان جناب الطاف حسين سان گڏ بيٺيون آهن. ڪشور زهرٰي
اجتماع کي خطاب
ڪراچي: 20 اپريل 2016
متحده قومي موومينٽ شعبه خواتين جي زير اهتمام لال قلعه گرائونڊ ۾ اجتماع منعقد ٿيو. ان موقعي تي خطاب ڪندي شعبه خواتين جي انچارج ڪشور زهرٰي چيو ته ماضي وانگر هڪ ڀيرو ٻيهر سازشي هٿڪنڊن جي ذريعي ڪوشش ڪئي پئي وڃي ته اسان جناب الطاف حسين جو ساٿ ڇڏي ضمير فروش ٽولي ۾ شامل ٿي وڃون. پر اڄ ان اجتماع ثابت ڪري ڇڏيو آهي ته اسان اڄ به قائد تحريڪ جناب الطاف حسين سان ڪلهو ڪلهي ۾ ملائي ڪري گڏ بيٺيون آهيون.انهن چيو ته ڊرائي ڪلين مشين لڳائڻ وارن ايم ڪيو ايم دشمني ۾ ايم ڪيو ايم کان ڪڍيل ڏوهارين، چائينا ڪٽنگ ۽ غريبن جي گهرن تي قبضن ۾ ملوث ماڻهن کي آڻي ڪري ثابت ڪري ڇڏيو آهي ته اهي جناب الطاف حسين جي حق پرستانه جدوجهد کان خوفزده آهن ۽ اهي مائنس الطاف حسين جي شرمناڪ فارمولي تي عمل پيرا آهن. ان موقعي تي اسيمبلي ميمبرن فوزيه حميد ۽ هير سوهو به خطاب ڪيو.