اي پي ايم ايس او جي ذميوارن ۽ ڪارڪنن تي ڪوڙا ڪيس داخل ڪرائڻ جي سخت مذمت ڪريون ٿا. ايم ڪيو ايم رابطا ڪميٽي
ڪراچي: 15 اپريل 2016
متحده قومي موومينٽ جي رابطا ڪميٽي هڪ نئين ڄاول ۽ غير مقبول جماعت جي طرفان اي پي ايم ايس او جي چيئرمين سرفراز احمد صديقي ۽ ذميوارن تي ڪيس داخل ڪرائڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته ايم ڪيو ايم جي ذميوارن ۽ ڪارڪنن کي ڪوڙن ڪيسن ۾ نامزد ڪري خوفزده ڪيو پيو وڃي . رابطا ڪميٽي چيو ته انهن ڪيسن مان ظاهر آهي ته ايم ڪيو ايم کي ڀت سان لڳائڻ جي ڪوشش ڪئي پئي وڃي، رابطا ڪميٽي چيو ته اهي ڪوڙا ڪيس داخل ڪرائڻ جي جيتري به مذمت ڪئي وڃي اها گهٽ آهي.
*****