ننڍي چونڊ ۾ شاندار ڪاميابي تي ايم ڪيو ايم آمريڪا جي سمورن شهرن ۾ خوشي جي لهر، مٺايون به ورهايون ويون
واشنگٽن: 9 اپريل 2016
اين اي 245 ۽ پي ايس 115 ۾ شاندار ڪاميابي جي خوشي ۾ ايم ڪيو ايم آمريڪا جي طرفان آمريڪا جي سمورن شهرن ۾ جشن ملهايو ويو ۽ مٺايون به ورهايون ويون. ان موقعي تي ايم ڪيو ايم آمريڪا جي سينٽرل آرگنائيزر متين يوسف ڳالھھ ٻولھھ ڪندي چيو ته ننڍي چونڊ ۾ شاندار ڪاميابي مخالفن جي سمورن الزامن کي ڪوڙو ۽ بي بنياد ثابت ڪري ڇڏيو آهي. انهن چيو ته تمام تر الزامن ۽ سازشن جي باوجود حق پرست اميدوارن جي ڪاميابي مخالفن جي منھھ تي هڪ زوردار ٿپ آهي. انهن چيو ته مخالفن قائد تحريڪ جناب الطاف حسين ۽ ايم ڪيو ايم تي الزامن جي ڀرمار ڪري ڇڏي هئي پر انهن سيٽن تي ايم ڪيو ايم جي ڪاميابي سان ايم ڪيو ايم جو گراف تمام گهڻو وڌي چڪو آهي. ڇو ته ايم ڪيو ايم مخالف اهو پروفيگنڊو ڪري رهيا هئا ته ايم ڪيو ايم جو گراف ڪري چڪو آهي. ان موقعي تي ايم ڪيو ايم آمريڪا جي جوائنٽ آرگنائيزر عارف صديقي به ڳالھھ ٻولھھ ڪئي. آخر ۾ قائد تحريڪ جناب الطاف حسين جي وڏي عمر، صحت و تندرستي ۽ شهيدن جي بلند درجات جي لاءِ دعائون به ڪيون ويون.
*****