ايم ڪيو ايم جي ڊپٽي ڪنوينر شاهد پاشا ۽ رابطا ڪميٽي جي ميمبر قمر منصور جي ننڍي ڀاءُ مسعود صديقي کي آزاد ڪيو وڃي. قائد تحريڪ جناب الطاف حسين
لنڊن: 8 اپريل 2016
متحده قومي موومينٽ جي قائد جناب الطاف حسين مطالبو ڪيو آهي ايم ڪيو ايم جي ڊپٽي ڪنوينر شاهد پاشا ۽ رابطا ڪميٽي جي ميمبر قمر منصور جي ننڍي ڀاءُ مسعود صديقي کي آزاد ڪيو وڃي. انهن فرمايو ته گهڻيون ئي گرفتاريون ٿي چڪيون آهن. هاڻي ماڻهن کي انهن جي گهرن ۾ رهڻ ڏنو وڃي ۽ بي گناھن جي گرفتارين جو سلسلو بند ڪيو وڃي. انهن فرمايو ته قمر منصور جا ڀاءُ مسعود احمد صديقي ڏهن ٻارنهن سالن کان ايم ڪيو ايم ۾ فعال نه آهن ۽ اهي پنهنجي والده جي سارسنڀال ۾ مصروف هئا ته گذريل ڏينهن انهن کي گرفتار ڪري ورتو ويو. انهن جي والده سخت بيمار آهن ۽ اڄ اهي ايم ڪيو ايم جي وڪيلن سان گڏ رينجر جي هيڊڪوارٽر به ويون پر انهن کي پنهنجي پٽ سان ملڻ نه ڏنو ويو. اهڙي طرح رابطا ڪميٽي جا ڊپٽي ڪنوينر شاهد پاشا به ڪيترن ئي ڏينهن کان رينجر جي قيد ۾ آهن جيڪي انتهائي شريف به آهن. انهن فرمايو ته انهن ٻنهي کي آزاد ڪيو وڃي ته جيئن غلط فهمين جو جلد کان جلد ازالو ٿي سگهي.
*****