ايم ڪيو ايم ڪينيڊا جي زير اهتمام مختلف شهرن ۾ ميرپورخاص سميت ٻين شهرن ۾ ڪارڪنن ۽ ذميوارن جي گرفتارين ۽ عورتن ۽ ٻارن تي تشدد جي خلاف مظاهرا ڪيا ويا
ڪينيڊا: 5 اپريل 2016
ايم ڪيو ايم ڪينيڊا جي زير اهتمام ٽورنٽو، ڪيلگري، مونٽريال، ايڊمنٽن ۽ ٻين شهرن ۾ميرپورخاص ۽ ٻين شهرن ۾ ايم ڪيو ايم جي ذميوارن ۽ ڪارڪنن جي گرفتارين ۽ تشدد جي خلاف ڀرپور احتجاجي مظاهرا ڪيا ويا. مظاهرن ۾ ڪينڊا جي سينٽرل آرگنائيزنگ ڪميٽي جي ذميوارن ۽ ڪارڪنن وڏي تعداد ۾ شرڪت ڪئي. ان موقعي تي خطاب ڪندي ڪينيڊا جي سينٽرل آرگنائيزر آصف قاضي چيو ته ڀلي ڪيتريون ئي گرفتاريون ڪيون وڃن ۽ ڪيترو ئي ظلم ڪري وٺجي پر ايم ڪيو ايم کي ختم ڪري نه ٿو سگهجي. انهن چيو ته هڪ طرف ته پارليامينٽ ، ميڊيا هائوسز ۽ سرڪاري ملڪيتن کي نقصان پهچائڻ وارن ۽ روڊن کي بند ڪرڻ وارن مذهبي انتها پسندن سان ته ڳالهيون ڪيون پيون وڃن پر ٻئي طرف ايم ڪيو ايم جي پرامن ڪارڪنن کي گرفتار ڪري انهن تي تشدد ڪيو پيو وڃي. جنهن جي جيتري به مذمت ڪئي وڃي اها گهٽ آهي. آخر ۾ مظاهري جي شرڪاء ان ڳالھھ جو عهد ڪيو ته ڀلي ڪيترو ئي ظلم ڪيو وڃي پر انهن کي قائد تحريڪ جناب الطاف حسين کان جدا ڪري نه ٿو سگهجي.
*****