ايم ڪيو ايم پنهنجي قيام کان وٺي ئي اختياري ڌرين جي اکين ۾ کٽڪي ٿي. شميم صديقي

واشنگٽن: پهرين اپريل 2016 

                   متحده قومي موومينٽ شڪاگو چيپٽر جي زير اهتمام ايم ڪيو ايم جو 32 هون يوم تاسيس وڏي جوش ۽ جذبي سان ملهايو ويو. ان تقريب ۾ ايم ڪيو ايم آمريڪا جي جوائنٽ سينٽرل آرگنائيزر شميم صديقي، ميمبرن جنيد فهمي، عدنان صديقي ۽ ٻين کان علاوه ڪارڪنن ۽ پاڪستانين وڏي تعداد ۾ شرڪت ڪئي. ان موقعي تي شميم صديقي تقريب کي خطاب ڪندي چيو ته جنهن ڏينهن کان وٺي ايم ڪيو  ايم وجود ۾ آئي آهي ته ان ڏينهن کان وٺي ئي ايم ڪيو ايم جي خلاف سازشن جو سلسلو جاري آهي. انهن چيو ته ان مقصد جي لاءِ هر هٿڪنڊو استعمال ڪري ڏسي ورتو ويو آهي پر مظلوم قوم کي انهن جي قائد جناب الطاف حسين کان الڳ ڪري نه سگهيو ويو ۽ هر ڀيري انهن سازشي عناصر کي بري طرح سان شسڪت جو سامنو ڪرڻو پيو آهي. ان موقعي تي جنيد فهمي ۽ سابق حق پرست  ميمبر سنڌ اسيمبلي وڪيل احمد جمالي به خطاب ڪيو. ان کان پوءِ ايم ڪيو ايم جي 32 هين يوم تاسيس  جو ڪيڪ ڪٽيو ويو ۽ قائد تحريڪ جناب الطاف حسين سان تجديد عهد وفا به ڪيو ويو. 

*****