جيڪي وحشي دهشت گرد سانحه گلشن پارڪ ۾ ملوث آهن. انهن کي فوري طور تي گرفتار ڪري عبرتناڪ انجام تائين پهچايو وڃي.ڊاڪٽر فاروق ستار
ڪراچي يونيورسٽي ۾ هڪ تقريب کي خطاب
ڪراچي: 29 مارچ 2016
اي پي ايم ايس او جي زير اهتمام ڪراچي يونيورسٽي ۾ 14 هين امن ڪرڪيٽ ٽورنامينٽ جي افتتاحي تقريب کي خطاب ڪندي ايم ڪيو ايم رابطا ڪميٽي جي سينيئر ڊپٽي ڪنوينر ڊاڪٽر فاروق ستار چيو آهي ته هڪ اهڙي وقت ۾ جڏهن پاڪستان انتها پسندي ۽ دهشت گردي ۾ وڪوڙيل آهي.ته اي پي ايم ايس او جي طرفان ان ٽورنامينٽ جي انقعاد تي مان اي پي ايم ايس او کي زبردست خراج تحسين پيش ڪريان ٿو. انهن چيو ته گذريل ڪيترن ئي سالن کان آدمشماري نه ڪرائي وئي آهي ۽ هاڻي مڪاني اليڪشن به ڪرايا ويا آهن ته اهي سپريم ڪورٽ جي حڪم تي ڪرايا ويا آهن ۽ هاڻي مڪاني نمائندن کي اختيار به نه پيا ڏنا وڃن جنهن جي جيتري به مذمت ڪئي وڃي اها گهٽ آهي. ان موقعي تي انهن سانحه گلشن پارڪ ۾ شهيد ٿيندڙ ماڻهن جي مغفرت جي لاءِ دعا به ڪئي ۽ زخمي ٿيندڙن جي جلد و مڪمل صحتيابي جي لاءِ به دعا ڪئي. انهن حڪومت کان مطالبو ڪيو ته جيڪي وحشي دهشت گرد ان دهشت گردي جي واقعي ۾ ملوث آهن انهن کي جلد کان جلد گرفتار ڪري عبرتناڪ انجام تائين پهچايو وڃي.
*****