پي پي جي باني ذوالفقار علي ڀٽي شهيد جي ورسي جو خرچ سنڌ حڪومت جي طرفان پنهنجي مٿان کڻڻ تي سنڌ اسيمبلي ۾ حق پرست اپوزيشن ليڊر خواجه اظهار الحسن جي طرفان مذمت جو اظهار
ڪراچي: 29 مارچ 2016
سنڌ اسيمبلي ۾ ايم ڪيو ايم جي اپوزيشن ليڊر خواجه اظهار الحسن پي پي جي باني ذوالفقار علي ڀٽي شهيد جي ورسي جو خرچ سنڌ حڪومت جي طرفان پنهنجي مٿان کڻڻ جي سخت ترين لفظن ۾ مذمت ڪندي چيو آهي ته عوام جو پيسو سنڌ حڪومت جي طرفان پنهنجي پارٽي جي ڪنهن به ليڊر جي ورسي تي استعمال ڪرڻ وڏي شرم جي ڳالھھ آهي . پنهنجي هڪ بيان ۾ انهن چيو ته ذوالفقار علي ڀٽي شهيد جي ورسي جي خرچن جي لاءِ وزير اعلٰي سنڌ جي چوڻ تي ناڻي کاتي اڍائي ڪروڙ روپيا جاري ڪيا آهن. جنهن مان ثابت ٿئي ٿو ته پي پي جي سنڌ حڪومت عوامي خزاني کي نه صرف لٽي رهي آهي بلڪه ان کي پنهنجي پارٽي جي مفادن جي لاءِ به استعمال ڪري رهي آهي. جنهن جي جيتري به مذمت ڪئي وڃي اها گهٽ آهي. انهن چيو ته ايم ڪيو ايم سنڌ حڪومت جي طرفان ذوالفقار علي ڀٽي شهيد جي ورسي جي خرچن جو بار قومي خزاني تي وجهڻ جي معاملي جي خلاف قرارداد سنڌ اسيمبلي ۾ پيش ڪندي ۽ ان جي خلاف هر سطح تي آواز به اٿاريندي. انهن وزير اعظم ميان نواز شريف ۽ وفاقي وزير خزانه اسحاق ڊار کان مطالبو ڪيو ته اهي ان غير قانوني ۽ غير آئيني معاملي جو سختي سان نوٽس وٺن .
*****