وطن اسٽوڊنٽس فيڊريشن جي مرڪزي صدر ۽ جمهوري وطن پارٽي جي اڳواڻ عبدالناصر بڙيچ جي سربراهي ۾ ٻين اڳواڻڻ جو پنهنجن سوين ساٿين سميت متحده قومي موومينٽ ۾ شامل ٿيڻ جو اعلان.
ڪوئيٽا: 26 مارچ 2016
وطن اسٽوڊنٽس فيڊريشن جي مرڪزي صدر ۽ جمهوري وطن پارٽي جي اڳواڻ عبدالناصر بڙيچ ۽ ٻين اڳواڻڻ پنهنجن سوين ساٿين سميت متحده قومي موومينٽ ۾ شامل ٿيڻ جو اعلان ڪيو آهي. اهو اعلان انهن ڪوئيٽا پريس ڪلب ۾ ايم ڪيو ايم ڪوئيٽا زون جي انچارج ملڪ جنگ گل ڪاڪڙ ۽ ضلعي ڪوئيٽا جي انچارج سيد سليم ايڊووڪيٽ سان گڏجي هڪ پريس ڪانفرنس ۾ ڪيو. ايم ڪيو ايم ۾ شامل ٿيندڙن ۾ وطن اسٽوڊنٽس فيڊريشن جي مرڪزي ڊپٽي آرگنائيزر حميد الله حسني ۽ مرڪزي ڊپٽي سيڪريٽري اطلاعات عباس خان کان علاوه پي ٽي آئي ڪوئيٽا جا اڳواڻ امين الله بڙيچ ۽ ٻيا شامل آهن. ان موقعي تي شامل ٿيندڙن پنهنجن خيالن جو اظهار ڪندي چيو ته ايم ڪيو ايم ۾ شامل ٿيڻ کان اڳ اسان ملڪ ۾ رائج سياسي نظام جو ويجهڙائي کان جائزو وٺڻ کان پوءِ ان نتيجي تي پهتاسين ته ايم ڪيو ايم ملڪ جي واحد نظرياتي تحريڪ آهي. جنهن ملڪ ۾ فرسوده جاگيرداراڻه ، سرداراڻه ۽ وڏيراڻه نظام کي للڪاريو آهي. بلڪه ان جي خاتمي جي لاءِ پهرين ئي ڏينهن کان عملي جدوجهد به ڪري رهي آهي. ان کان پوءِ ڪوئيٽا زونل انچارج ۽ ٻين انهن جي شامل ٿيڻ جو خير مقدم به ڪيو.
*****