ماسڪو ايئرپورٽ تي گذريل ڏينهن کان ڦاتل پاڪستاني واپارين جي واپسي جي لاءِ هر سطح تي سفارتي تعلقات استعمال ڪيا وڃن. ايم ڪيو ايم رابطا ڪميٽي
ڪراچي: 24 مارچ 2016
متحده قومي موومينٽ جي رابطا ڪميٽي ماسڪو ايئرپورٽ تي 150 کان وڌيڪ پاڪستاني واپارين کي ايئرپورٽ تي گذريل ڏينهن کان بغير ڪنهن جواز جي روڪڻ تي وڏي ڳڻتي جو اظهار ڪيو آهي ۽ وزير اعظم ميان نواز شريف کان مطالبو ڪيو آهي ته انهن واپارين جي واپسي جي لاءِ فوري طور تي سفارتي تعلقات استعمال ڪيا وڃن. پنهنجي هڪ بيان ۾ رابطا ڪميٽي چيو ته 150 کان وڌيڪ پاڪستاني واپاري سالانه ڪنوينشن ۾ شرڪت جي لاءِ ماسڪو ويا هئا ۽ اتي ايئر پورٽ تي هڪ سيڪيورٽي ايجنسي انهن کي هڪ ڪمري ۾ بند ڪري ڇڏيو آهي ۽ انهن کي کائڻ پيئڻ جي شين سميت ٻين پريشانين جو به سامنو آهي. رابطا ڪميٽي چيو ته پاڪستاني واپارين جو ماسڪو ايئرپورٽ تي گذريل ڏينهن کان ڦاسڻ پاڪستان جي سفارتي سطح تي وڏي ناڪامي به آهي جنهن جي جيتري به مذمت ڪئي وڃي اها گهٽ آهي. رابطا ڪميٽي وزير اعظم ميان نواز شريف ۽ وفاقي وزير خارجه سرتاج عزيز کان مطالبو ڪيو ته اهي ماسڪو ۾ ڦاتل واپارين کي فوري طور تي واپس گهرائين.
*****