بيلجيئم جي گادي جي هنڌ برسلز ۾ بم ڌماڪن تي سينيئر ڊپٽي ڪنوينر ڊاڪٽر فاروق ستار جي طرفان مذمت جو اظهار
ڪراچي: 22 مارچ 2016
متحده قومي موومينٽ جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار بيلجيئم جي گادي جي هنڌ برسلز ۾ايئرپورٽ ۽ ميٽرو اسٽيشن جي ويجهو هڪ ٻئي پٺيان ڪيترن ئي بم ڌماڪن جي سخت ترين لفظن ۾ مذمت ڪئي آهي ۽ انهن بم ڌماڪن ۾ ڪيترن ئي ماڻهن جي هلاڪ ۽ زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ ڊاڪٽر فاروق ستار چيو ته مذهبي انتها پسندي ۽ دهشت گردي پوري دنيا جي امن جي لاءِ سنگين خطرو بڻجي چڪي آهي ۽ دهشت گردي جي عذاب جي خاتمي جي لاءِ عالمي دنيا کي گڏجي ويهي ڪري مثبت ۽ ٺوس پاليسيون مرتب ڪرڻ گهرجن ته جيئن سڄي دنيا کي مذهبي انتها پسندي کان نجات ڏياري سگهجي. انهن برسلز بم ڌماڪن ۾ قيمتي جاني نقصان تي بيلجيئم جي وزير اعظم، حڪمران جماعت، عوام ۽ خصوصن هلاڪ ٿيندڙ ماڻهن جي پونئرن سان دلي تعزيت ۽ همدردي جو اظهار ڪندي چيو ته ايم ڪيو ايم جا ڪروڙين ڪارڪن ۽ همدرد عوام ان ڏک جي گهڙي ۾ اوهان سان گڏ آهن. انهن زخمي ٿيندڙن جي جلد و مڪمل صحتيابي جي لاءِ دعا به ڪئي.
*****