آرمي چيف جنرل راحيل شريف جي نالي ايم ڪيو ايم جي قائد جناب الطاف حسين جو هنگامي خط
قانون نافذ ڪرڻ وارن ادارن جا ڪجھھ آفيسر ايم ڪيو ايم جي ذميوارن، قومي ۽ صوبائي اسيمبلي جي ميمبرن ۽ سينيٽرن کي گهرائي ڪري ڌمڪيون ڏيئي رهيا آهن ته جيڪڏهن انهن ايم ڪيو ايم جي غدارن جي نئين ٽولي جو ساٿ نه ڏنو ته انهن کي سنگين نتيجا ڀوڳڻا پوندا. قائد تحريڪ جناب الطاف حسين
لنڊن: 20 مارچ 2016
متحده قومي موومينٽ جي قائد جناب الطاف حسين آرمي چيف جنرل راحيل شريف جي نالي پنهنجي هڪ هنگامي خط ۾ انتهائي اهم ۽ حساس معاملي ڏانهن توجه ڏياريندي لکيو آهي ته ڪراچي ۽ حيدرآباد ۾ قانون نافذ ڪرڻ واري اداري جا ڪجھھ آفيسر ايم ڪيو ايم جي ذميوارن، قومي ۽ صوبائي اسيمبلي جي ميمبرن ۽ سينيٽرن کي گهرائي ڪري ڌمڪيون ڏيئي رهيا آهن ته جيڪڏهن انهن ڪراچي آندل ايم ڪيو ايم جي غدارن جي نئين ٽولي جو ساٿ نه ڏنو ته انهن کي سنگين نتيجا ڀوڳڻا پوندا. جناب الطاف حسين جنرل راحيل شريف کي مخاطب ڪندي فرمايو ته مهاجر غير مسلم نه بلڪه سچا ۽ پڪا مسلمان ۽ محب وطن پاڪستاني آهن. انهن جي خلاف قانون نافذ ڪرڻ وارن ادارن جي ڪجھھ آفيسرن جو اهو رويو الله تعالٰي کي به پسند نه ايندو. ان جي ڪري اوهان جو فرض آهي ته اوهان اهڙن آفيسرن جي خلاف فوري طور تي ڪاروائي ڪريو. جناب الطاف حسين فرمايو ته اها صورتحال ايم ڪيو ايم جي ڪارڪنن ۽ هر عقلمند جي لاءِ ڳڻتي واري ڳالھھ کان گهٽ نه آهي.
*****