متحده قومي موومينٽ جي تحت 18 مارچ بروز جمعي تي ايم ڪيو ايم جو 32 هون يوم تاسيس تنظيمي جوش و جذبي سان ملهايو ويندو. ايم ڪيو ايم
32 هين يوم تاسيس جي موقعي تي قائد تحريڪ جناب الطاف حسين سڄي ملڪ ۾ منعقد ٿيندڙ اجتماعن کي خطاب به فرمائيئندا
ڪراچي: 17 مارچ 2016
متحده قومي موومينٽ جي تحت 18 مارچ بروز جمعي تي ايم ڪيو ايم جو 32 هون يوم تاسيس تنظيمي جوش و جذبي سان ملهايو ويندو. ان سلسلي ۾ آزاد ڪشمير ۽ گلگت بلتستان سميت سڄي ملڪ ۾ اجتماع منعقد ٿيندا. جڏهن ته ان سلسلي جو مرڪزي اجتماع نائن زيرو تي جناح گرائونڊ ۾ منعقد ٿيندو. انهن سمورن اجتماعن کي قائد تحريڪ جناب الطاف حسين لنڊن کان ٽيليفونڪ خطاب به فرمائيندا. ايم ڪيو ايم جي طرفان يوم تاسيس جي تيارين جو سلسلو شروع ٿي ويو آهي.جناب الطاف حسين جي رهائشگاھ نائن زيرو ، ايم پي اي هاسٽل، خورشيد بيگم سيڪريٽريٽ ۽ شعبه اطلاعات سميت مڪا چوڪ، عائشه منزل ۽ ٻين هنڌن کي برقي قمقمن، جهالرن، ايم ڪيو ايم جي جهنڊن ۽ قائد تحريڪ جناب الطاف حسين جي تصويرن سان سجايو ويو آهي. اهڙي طرح سنڌ جي ٻين شهرن جي مختلف علائقن کي برقي قمقمن، ايم ڪيو ايم جي جهنڊن ۽ قائد تحريڪ جناب الطاف حسين جي تصويرن سان سجايو ويو آهي.يوم تاسيس جي سلسلي ۾ ڪارڪنن ۾ وڏو جوش ۽ جذبو پاتو وڃي ٿو ۽ يوم تاسيس جي سلسلي ۾ شعبن جي ميمبرن تي ٻڌل مختلف ڪميٽيون به تشڪيل ڏنيون ويون آهن.جيڪي تيارين جي سلسلي ۾ ڏينهن رات مصروف آهن.
*****