متحده قومي موومينٽ جي تحت 18 مارچ تي ايم ڪيو ايم جو 32 هون يوم تاسيس تنظيمي جوش و جذبي سان ملهايو ويندو. ايم ڪيو ايم
ڪراچي: 16 مارچ 2016
متحده قومي موومينٽ جي تحت 18 مارچ تي ايم ڪيو ايم جو 32 هون يوم تاسيس تنظيمي جوش ۽ جذبي سان ملهايو ويندو. ان سلسلي ۾ آزاد ڪشمير ۽ گلگت بلتستان سميت سڄي ملڪ ۾ اجتماع منعقد ٿيندا. جڏهن ته ان سلسلي جو مرڪزي اجتماع نائن زيرو تي جناح گرائونڊ ۾ منعقد ٿيندو. انهن سمورن اجتماعن کي قائد تحريڪ جناب الطاف حسين لنڊن کان ٽيليفونڪ خطاب فرمائيندا. ايم ڪيو ايم جي طرفان يوم تاسيس جي تيارين جو سلسلو شروع ٿي ويو آهي.جناب الطاف حسين جي رهائشگاھ نائن زيرو ، ايم پي اي هاسٽل، خورشيد بيگم سيڪريٽريٽ ۽ شعبه اطلاعات سميت مڪا چوڪ، عائشه منزل ۽ ٻين هنڌن کي برقي قمقمن، جهالرن، ايم ڪيو ايم جي جهنڊن ۽ قائد تحريڪ جناب الطاف حسين جي تصويرن سان سجايو ويو آهي. ان کان علاوه رابطا ڪميٽي جي سينيئر ڊپٽي ڪنوينر عامر خان، ڊپٽي ڪنوينر ڪهف الورٰي، رابطا ڪميٽي جي ميمبرن عادل خان، جاويد ڪاظمي، زاهد منصوري، ڪمال ملڪ ۽ ارشد حسن جناح گرائونڊ جو دورو ڪيو ۽ تيارين جو جائزو ورتو. ان موقعي تي سي اي سي ميمبر ، اسيمبلي ميمبر ۽ ٻيا به موجود هئا. رابطا ڪميٽي ان موقعي تي ڪم ۾ مصروف ڪارڪنن کي قائد تحريڪ جناب الطاف حسين جي طرفان شاباش ۽ خراج تحسين به پيش ڪيو.