ڪراچي ۾ جاري صفائي مهم ۾ وڌي چڙهي ڪري حصو وٺڻ تي ايم ڪيو ايم جا ڪارڪن زبردست خراج تحسين جا مستحق آهن. قائد تحريڪ جناب الطاف حسين

لنڊن: 15 مارچ 2016 

                متحده قومي موومينٽ جي قائد جناب الطاف حسين فرمايو آهي ته ڪراچي ۾ جاري صفائي مهم ۾ وڌي چڙهي ڪري حصو وٺڻ تي ايم ڪيو ايم جا ڪارڪن زبردست خراج تحسين ۽ شاباش جا مستحق آهن. انهن خيالن جو اظهار انهن صفائي مهم جي سلسلي ۾ ناظم آباد گلبهار ٽائون جي ڪارڪنن ۽ همدردن کي ٽيليفونڪ خطاب ڪندي فرمايو. جناب الطاف حسين ڪارڪنن کي چيو ته اوهان صفائي سٿرائي جي ڪمن ۾ لڳل آهيو ۽ ڪچرو به صاف ڪري رهيا آهيو. حديث مبارڪ آهي ته صفائي اڌ ايمان آهي ۽ اوهان پنهنجي شهر کي صاف ڪري ان حديث پاڪ تي عمل ڪري رهيا آهيو. صفائي جو اهو عمل ماحول کي صاف سٿرو بڻائڻ جي لاءِ هڪ بهترين ڪم آهي. انهن صفائي مهم ۾ حصو وٺڻ تي سمورن ڪارڪنن ، امڙين، ڀينرن، ۽ بزرگن کي زبردست خراج تحسين به پيش ڪيو ۽ انهن کي دعائون به ڏنيون. انهن ايم ڪيو ايم جي ذميوارن کي تاڪيد ڪئي ته اهي صفائي مهم ۾ حصو وٺڻ وارن ڪارڪنن ، امڙين ، ڀينرن ۽ بزرگن جي کائڻ پيئڻ جو خيال رکن. انهن مخير حضرات کي به اپيل ڪئي ته اهي صفائي مهم ۾ حصو وٺڻ وارن ڪارڪنن، امڙين ۽ بزرگن جي کائڻ پيئڻ جي بندوبست ۾ تعاون ڪن.

*****