بندوق يا طاقت سان نه بلڪه عوام جي اتحاد سان تحريڪ جي خلاف سمورين سازشن کي ناڪام بڻائينداسين. قائد تحريڪ جناب الطاف حسين
پاڪ ڪالوني ۾ صفائي مهم جي سلسلي ۾ مصروف ڪارڪنن کي ٽيليفونڪ خطاب
لنڊن: 15 مارچ 2016
متحده قومي موومينٽ جي قائد جناب الطاف حسين فرمايو آهي ته اسان بندوق يا طاقت سان نه بلڪه عوام جي اتحاد سان تحريڪ جي خلاف ٿيندڙ سمورين سازشن کي ناڪام بڻائينداسين. انهن خيالن جو اظهار انهن پاڪ ڪالوني ۾ صفائي مهم جي سلسلي ۾ مصروف ڪارڪنن کي ٽيليفونڪ خطاب ڪندي فرمايو . جناب الطاف حسين فرمايو ته ايم ڪيو ايم جي ڪارڪنن تحريڪي جدوجهد جي دوران پنهنجن ساٿين جا لاشا ڏٺا آهن ۽ سچا نظرياتي ڪارڪن ڪنهن به طرح پنهنجن شهيدن جي رت جو سودو نه ڪندا ۽ تحريڪ جي دشمنن جي اڳيان سرينڊر نه ڪندا. انهن فرمايو ته منهنجو ۽ ڪارڪنن جو روحاني ۽ نظرياتي رشتو آهي ۽ جن جي وچ ۾ سچو روحاني رشتو هوندو آهي ته ان رشتي کي سازشن ۽ پروفيگنڊن سان ختم ڪري نه ٿو سگهجي. انهن فرمايو ته اهو سچي روحاني رشتي جو ثبوت آهي ته جڏهن مان پنهنجي نظرياتي ساٿين ۽ امڙين ۽ ڀينرن سان ڳالھھ ڪريان ٿو ته اهي خوش ٿي وڃن ٿا ۽ جڏهن منهنجا ساٿي مون سان ڳالھھ ڪن ته مان خوش ٿي وڃان ٿو. انهن ڪارڪنن کي چيو ته اهي نظرياتي لٽريچر پڙهن ۽ پنهنجي اندر سٺيون عادتون پيدا ڪن. انهن پاڪ ڪالوني ٽائون جي سمورن ڪارڪنن ، نوجوانن، بزرگن ۽ امڙين کي صفائي مهم ۾ حصو وٺڻ تي زبردست خراج تحسين به پيش ڪيو.
*****