جڏهن اسان جو ميئر ۽ ڊپٽي ميئر حلف کڻندا ته پوءِ اسان صفائي جي نظام کي اڃان به وڌيڪ بهتر بڻائينداسين. ڊاڪٽر فاروق ستار

ڪراچي: 12 مارچ 2016 

                   متحده قومي موومينٽ جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار چيو آهي ته ڪراچي ۾ پاڻي جي ڪمي جو وڏو سبب ڪي فور منصوبي تي عملدرآمد نه ڪرڻ آهي. اسان سنڌ حڪومت کان مطالبو ڪريون ٿا ته ڪي فور منصوبي تي عملدرآمد جي لاءِ مختص رقم جلد کان جلد جاري ڪئي وڃي. جيڪڏهن ڪي فور منصوبو مڪمل نه ٿيو ته پوءِ اسان احتجاج ڪنداسين پوءِ ڀلي ان جي لاءِ اسان کي وزير اعلٰي هائوس ئي ڇو نه وڃڻو پوي. انهن خيالن جو اظهار انهن صاف ڪراچي مهم جي دوران ڏکڻ ضلعي جي يوسي 23 نانڪ واڙه ۾ صحافين کي پريس بريفنگ ڏيندي ڪيو. انهن چيو ته صفائي مهم جي ٽئين ڏينهن ڏکڻ ضلعي جي علائقي پان منڊي، گنگا بائي ڪمپائونڊ، گوڌرا گلي، چانور بازار، بابائي اردو روڊ، رساله پوليس هيڊ ڪوارٽر، نجم الدين اسٽريٽ، چاند بي بي روڊ، ڪي ايم سي سٽي ڪورٽ، لنڊا بازار ۽ سول اسپتال جي علائقن ۾ صفائي جو ڪم انجام ڏنو ويو. انهن چيو ته صفائي مهم ۾ اسان سان اين جي اوز ۽ غير سرڪاري تنظيمن رابطو ڪري اسان جي مالي مدد سان گڏو گڏ صفائي جي لاءِ گهربل سامان به خريد ڪري ڏنو آهي. انهن چيو ته صفائي مهم جي سلسلي ۾ اسان وٽ ڊمپر ۽ لوڊر نه آهن جنهن جي ڪري اسان کي صفائي جي ڪمن ۾ دشواري جو سامنو ڪرڻو پئجي رهيو آهي. پر ڪارڪنن ۽ عوام جي همت ۽ حوصلي اسان کي ڊمپر ۽ لوڊر جي به ضرورت محسوس ٿيڻ نه ڏني آهي. انهن چيو ته جڏهن اسان جا ميئر ۽ ڊپٽي ميئر حلف کڻندا ته پوءِ اسان صفائي جي نظام کي اڃان به وڌيڪ بهتر بڻائينداسين. ڪراچي ۾ پاڻي جي ڪمي جو وڏو سبب ڪي فور منصوبي تي عملدرآمد نه ڪرڻ آهي. جنهن سان ڪراچي کي 240 ملين اضافي گيلن پاڻي ملڻو هو. ڪي فور منصوبي تي 25 ارب روپيا خرچ ٿيندا ، صوبائي ۽ وفاقي حڪومت ڪي فور منصوبي جي رقم جلد کان جلد جاري ڪن ڇو ته ڪراچي ۾ پاڻي جو  مسئلو سنگين صورتحال اختيار ڪندو پيو وڃي. انهن چيو ته جيڪڏهن ڪي فور منصوبو مڪمل نه ٿيو ته پوءِ اسان احتجاج ڪنداسين پو ءِ ڀلي اسان کي سي ايم هائوس ئي ڇو نه وڃڻو پوي. انهن چيو ته ڪراچي سڀني کان وڌيڪ روينيو ڏيئي ٿو ۽ ڪراچي جي پيسن سان ئي ميٽرو بس سروس بڻائي پئي وڃي. هاڻي اسان کي پنهنجن حقن جي لاءِ نڪرڻو پوندو ۽ ڌرڻا به ڏيڻا پوندا . رابطا ڪميٽي ميمبر ڪمال ملڪ سينٽرل ضلعي ۾ ڳالھھ ٻولھھ ڪندي چيو ته ايم ڪيو ايم جي صفائي مهم مخصوص علائقن تائين محدود نه آهي. بلڪه ڪراچي ۾ رهڻ وارن سمورين قومن ۽ برادرين کي به ان مان فائدو ٿي رهيو آهي ۽ انهن کي به صاف ماحول ملي رهيو آهي . ڪراچي جي نامزد ميئر وسيم اختر صحافين سان ڳالهائيندي چيو ته اسان صفائي مهم ۾ پرائيويٽ طور تي گهرايل مشينن جو استعمال ڪري رهيا آهيون، پر سنڌ حڪومت اسان سان تعاون نه ڪري ايم ڪيو ايم کي ئي نه بلڪه ڪراچي جي عوام کي به ڌوڪو ڏنو آهي. انهن چيو ته عوامي خدمت جي لاءِ حڪومتي وسيلن۽ اختيارن جو بهانو بڻائي ڪري اسان پوئتي نه هٽنداسين بلڪه پنهنجو ڪم جاري رکنداسين. ان موقعي تي ايم ڪيو ايم اڳواڻ ڊاڪٽر خالد مقبول صديقي ڳالھھ ٻولھھ ڪندي چيو ته صفائي مهم ۾ سنڌ حڪومت جي عدم توجه ظاهر ڪري ٿي ته ان کي ڪراچي جي عوام سان ڪائي به دلچسپي نه آهي ۽ اهو ئي سبب آهي ته سنڌ حڪومت ڪراچي کي 8 سالن کان لاوارث ڇڏي ڏنو آهي. ان موقعي تي رابطا ڪميٽي جا ميمبر ۽ اسيمبلي ميمبر به موجود هئا .

*****