ڪراچي صفائي مهم شروع ڪرڻ تي ايم ڪيو ايم جي ڪارڪنن کي قائد تحريڪ جناب الطاف حسين جي طرفان زبردست خراج تحسين پيش

لنڊن: 10 مارچ 2016 

                متحده قومي موومينٽ جي قائد جناب الطاف حسين ڪراچي ۾ صفائي مهم شروع ڪرڻ تي ايم ڪيو ايم جي ڪارڪنن کي زبردست خراج تحسين پيش ڪيو آهي. صفائي مهم جي شروعات تي ملير ۾ ڪارڪنن سان فون تي ڳالھھ ٻولھھ ڪندي جناب الطاف حسين فرمايو ته اهو شهر اسان جو آهي ۽ شهر ڪن کان صاف هوندو ته شهر جي فضا به صاف هوندي ۽ بيمارين کان به محفوظ رهندو. انهن فرمايو ته نبي پاڪ صلي الله عليه وسلم جي حديث مبارڪ آهي ته صفائي اڌ ايمان آهي ان جي ڪري صفائي رکڻ اسان جو ديني فرض به آهي. انهن فرمايو ته ڪراچي ۾ مڪاني اليڪشن ٿئي ٽي مهينا ٿي چڪا آهن پر هن مهل تائين ميئر جا اليڪشن نه ٿيا  آهن ۽ شهر کي بيوروڪريسي جي ذريعي هلايو پيو وڃي. جنهن جي ڪري صفائي سٿرائي جي صورتحال انتهائي خراب آهي. انهن فرمايو ته وزير اعلٰي سنڌ کي به ان طرف توجه ڏيڻ گهرجي ڇو ته اهو شهر انهن جو به آهي. ان جي ڪري انهن کي به گهرجي ته اهي صفائي سٿرائي ۾ ايم ڪيو ايم سان تعاون ڪن. جناب الطاف حسين ايم ڪيو ايم جي ڪارڪنن کي چيو ته اهي غريب ۽ وچولي طبقي جي علائقن سان تعلق رکن ٿا، ان جي ڪري اهي پنهنجي انا کي ختم ڪندي گڏجي ڪري صفائي مهم ۾ حصو وٺن. 

*****