متحده قومي موومينٽ جو آمريڪا واشنگٽن ڊي سي چيپٽر تحليل ڪري ٻه رڪني ڪميٽي قائم ڪرڻ جو اعلان
واشنگٽن ڊي سي: 5 مارچ 2016
متحده قومي موومينٽ آمريڪا وشنگٽن ڊي سي جي ڪارڪنن جو جنرل ورڪرز اجلاس منعقد ٿيو. اجلاس ۾ سينٽرل آرگنائيزر متين يوسف، جوائنٽ انچارج فرحين رضوي ، ڪميٽي معاون شاهد معين ۽ ٻين ذميوارن کان علاوه ڪارڪنن به شرڪت ڪئي. ان موقعي تي اجلاس کي خطاب ڪندي فرحين رضوي چيو ته قائد تحريڪ جناب الطاف حسين کي پنهنجن ڪارڪنن مان وڏيون اميدون وابسته آهن. انهن چيو ته اهو وقت جو تقاضا آهي ته ڪارڪن آمريڪا ۾ مقيم پاڪستاني برادري سان پنهنجن رابطن کي تيز ڪن. ان موقعي تي سينٽرل آرگنائيزر متين يوسف خطاب ڪندي چيو ته واشنگٽن ڊي سي آمريڪا جي گادي جو هنڌ آهي۽ انهي ڪري واشنگٽن ڊي سي کي مرڪزي حيثيت حاصل آهي. ان موقعي تي انهن واشنگٽن ڊي سي جي چيپٽر کي تحليل ڪندي عمران حسين ۽ اسماء شاھ تي ٻڌل ٻه رڪني ايڊهاڪ ڪميٽي قائم ڪرڻ جو اعلان به ڪيو. اجلاس جي آخر ۾ قائد تحريڪ جناب الطاف حسين جي صحت و سلامتي ۽ وڏي عمر جي لاءِ دعا به ڪئي وئي.