قائد تحريڪ جناب الطاف حسين تي تنقيد ۽ ڪوڙا الزام هڻڻ ملڪ جي سمورن مظلومن جي توهين آهي

ڪراچي: 4 مارچ 2016 

                 پاڪستان سميت سڄي دنيا ۾ مقيم زندگي جي مختلف شعبن سان تعلق رکڻ وارن ماڻهن جن ۾ ڪارڪنن سان گڏو گڏ عالمن سڳورن، واپارين، صنعتڪارن، وڪيلن، انجنيئرن، شاعرن، اديبن، ليکڪن، ڊاڪٽرن ۽ زندگي جي مختلف شعبن سان تعلق رکندڙ ماڻهن ٽيلفون، فيڪس ۽ اي ميل جي ذريعي پنهنجن خيالن جو اظهار ڪندي باني و قائد تحريڪ جناب الطاف حسين جي قيادت تي پنهنجي ڀرپور اعتماد جو اظهار ڪندي چيو ته قائد تحريڪ جناب الطاف حسين سان اسان جو رشتو دنيا جي ڪائي به سازش ۽ ڪوڙو پروفيگنڊو ٽوڙي نه ٿو سگهي.انهن چيو ته قائد تحريڪ جناب الطاف حسين جي سڄي زندگي مظلوم قومن جي حقن جي جدوجهد جي لاءِ وقف آهي ۽ مظلوم قومن جي حقن جي جدوجهد ڪرڻ واري عظيم قائد تي تنقيد ۽ ڪوڙا الزام هڻڻ ملڪ جي سمورين مظلوم قومن جي توهين آهي. انهن چيو ته اهي سازشون اڳ به ڪيون ويون پر قائد تحريڪ جناب الطاف حسين کي الله تعالٰي انهن سازشن کان هميشه محفوظ رکيو ۽ سازشي عناصرکي هميشه خوار ڪيو ۽ هن ڀيري به الله تعالٰي انهن کي ذليل ڪندو. انهن وڌيڪ چيو ته حق پرستي جي جدوجهد ڪرڻ واري هر ليڊر جي اڳيان مير جعفر ۽ مير صادق جهڙا غدار اچن ٿا پر انهن کان گهبرائڻ حق پرستن جو مان نه آهي. ۽مير جعفر ۽ مير صادق جهڙن ماڻهن جو انجام اهو ئي ٿئي ٿو جيڪو هميشه کان ٿيندو پيو اچي. ان موقعي تي انهن قائد تحريڪ جناب الطاف حسين سان تجديد عهد وفا  به ڪيو ۽ انهن جي صحت و سلامتي جي لاءِ دعا به ڪئي. 

*****