سنڌ اسيمبلي جي حق پرست ميمبر عدنان احمد جي گهر ڦر جي واقعي تي ايم ڪيو ايم جي رابطا ڪميٽي جي طرفان مذمت جو اظهار
ڪراچي: 29 فيبروري 2016
متحده قومي موومينٽ جي رابطا ڪميٽي سنڌ اسيمبلي جي حق پرست ميمبر عدنان احمد جي گهر ڏينهن ڏٺي جو ڦر جي واقعي جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته گلشن اقبال 13 ڊي ۾ سنڌ اسيمبلي ميمبر عدنان احمد جي گهر ڏينهن ڏٺي جو ٻن گاڏين ۾ سوار 8 ڦورن انهن جي گهر ڀاتين کي يرغمال بڻائي زيور، روڪ رقم ۽ ٻيو قيمتي سامان کڻي فرار ٿي ويا. انهن چيو ته گذريل ڪيترن ئي ڏينهن کان شهر جي مختلف علائقن ۾ اسٽريٽ ڪرائيم جي واقعن ۾ اضافو ٿي ويو آهي. جيڪو سنڌ حڪومت جي لاءِ وڏي ڳڻتي جي ڳالھھ آهي. رابطا ڪميٽي وزير اعلٰي سنڌ سيد قائم علي شاھ ۽ وزير داخلا سهيل انور سيال کان مطالبو ڪيو ته اهي عدنان احمد جي گهر ڦر جي واقعي جو نوٽس وٺن ۽ ان ۾ واقعي ۾ ملوث ڦورن کي گرفتار ڪرائي قانون جي مطابق سخت ترين ڪاروائي ڪئي وڃي.