اهو وقت پري نه آهي جڏهن اسان جا مخالف به اسان جي حقيقت کي تسليم ڪري وٺندا.قائد تحريڪ جناب الطاف حسين

لنڊن: 28 فيبروري 2016 

                 متحده قومي موومينٽ جي قائد جناب الطاف حسين فرمايو آهي ته ايم ڪيو ايم ڪي پي ڪي انتهائي ڏکين حالتن جي باوجود هڪ ڪامياب ڪنوينشن ڪرائي ثابت ڪري ڇڏيو آهي ته تمام تر وسيلن جي باوجود حق پرستي جو فلسفو تيزي سان ڦيلجي رهيو آهي ۽ ڪامياب انتظامن جو ڪريڊٽ ڪي پي ڪي جي صدر بيرسٽر محمد علي سيف کي وڃي ٿو. انهن خيالن جو اظهار انهن ڪي پي ڪي جي عهديدارن سان ڳالھھ ٻولھھ ڪندي فرمايو. جناب الطاف حسين فرمايو ته ايم ڪيو ايم جي خلاف جيڪو ميڊيا ٽرائل هلي رهيو آهي ان جي توڙ جي لاءِ ضروري آهي ته ڪي پي ڪي جي هر ضلعي ۾ ننڍا ننڍا پروگرام آرگنائيز ڪيا وڃن ته جيئن عوام جي سامهون اصل حيقتون اچي  سگهن. انهن فرمايو ته اهو وقت پري نه آهي جڏهن اسان جا مخالف به اسان جي حقيقت کي تسليم ڪندا. انهن ڪي پي ڪي جي ڪارڪنن کي هدايت فرمائي ته اهي تحريڪ جي پيغام کي 

اڳتي وڌائين ۽ ان جي پاڙن کي مضبوط ڪن. مخالف اسان کي گذريل 38 سالن ۾ به ختم نه ڪري سگهيا اوهان پنهنجي اتحاد سان ثابت ڪري ڇڏيو ته اهي ناپاڪ خواهشون ايندڙ 38 سالن ۾ به پوريون نه ٿينديون. جناب الطاف حسين بيرسٽر محمد علي سيف  ۽ انهن جي پوري ٽيم کي ڪامياب ڪنوينشن جي انعقاد تي زبردست خراج تحسين پيش ڪندي فرمايو ته هڪ ڪامياب آرگنائيزر هڪ گڊ لڪ هوندو آهي ان جي اندر سڀني کي گڏ ڪري وٺي هلڻ جي صلاحيت هوندي آهي. انهن فرمايو ته ماڻهن کي گڏ ڪرڻ ڪا وڏي ڳالھھ نه آهي پر سڀني کي هڪ نقطي تي گڏ ڪرڻ ئي اصل ۾ وڏي ڪاميابي هوندي آهي. 

*****