ساڪنان شهر قائد عالمي مشاعري جي ڪنوينر اظهر هاشمي جي وفات تي قائد تحريڪ جناب الطاف حسين جي طرفان تعزيت جو اظهار
لنڊن: 28 فيبروري 2016
متحده قومي موومينٽ جي قائد جناب الطاف حسين ساڪنان شهر قائد عالمي مشاعري جي ڪنوينر اظهر هاشمي جي وفات تي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ جناب الطاف حسين فرمايو ته اظهر هاشمي ساڪنان شهر قائد عالمي مشاعري جي انعقاد جي ذريعي نه صرف شهر جون رونقون بحال رکيون بلڪه انهن ماڻهن جو رجحان شاعري ۽ علم و ادب ڏانهن به ڪرڻ ۾ وڏو ڪارنامو انجام ڏنو. جنهن تي مرحوم زبردست خراج عقيدت جا مستحق آهن. انهن اظهر هاشمي جي وفات تي مرحوم جي سمورن سوگوار پونئرن سميت انهن جي چاهڻ وارن سان دلي تعزيت ۽ همدردي جو اظهار ڪندي فرمايو ته ڏک جي ان گهڙي ۾ مون سميت ايم ڪيو ايم جا سمورا ڪارڪن اوهان جي ڏک ۾ برابر جا شريڪ آهن. انهن دعا فرمائي ته الله تعالٰي مرحوم کي جنت الفردوس ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. آمين.
*****