پارٽي فنڊن جي باري ۾ ميٽرو پوليٽن پوليس سروس جي طرفان جاري سول دعوٰي جي ٻڌڻي جي سلسلي ۾ ايم ڪيو ايم جا وڪيل اوڀر لنڊن جي ميجسٽريٽ ڪورٽ ۾ پيش ٿيا
اسان کي پورو يقين آهي ته جڏهن مستقبل ۾ ان معاملي جي باقائده ٻڌڻي ٿيندي ته عدالت ۾ اسان جو موقف درست ثابت ٿي ويندو. نديم نصرت
لنڊن: 26 فيبروري 2016
ايم ڪيو ايم جي پارٽي فنڊن جي باري ۾ ميٽرو پوليٽن پوليس سروس جي طرفان جاري سول دعوٰي جي ٻڌڻي جي سلسلي ۾ اڄ ايم ڪيو ايم جا وڪيل اوڀر لنڊن جي ميجسٽريٽ ڪورٽ ۾ پيش ٿيا. پارٽي فنڊن جي اها رقم هن وقت ميٽرو پوليٽن پوليس جي تحويل ۾ آهي. ايم ڪيو ايم ۽ قائد تحريڪ جناب الطاف حسين جو اهو ئي موقف آهي ته ايم ڪيو ايم پارٽي فنڊن جي جيڪا رقم هن وقت ميٽرو پوليٽن پوليس جي تحويل ۾ آهي اها مڪمل طور تي جائز ۽ قانوني آهي.ان کان علاوه ايم ڪيو ايم جي ڪنوينر نديم نصرت چيو آهي ته اڃان اهو معاملو ابتدائي مرحلي ۾ آهي. پر اسان کي پورو يقين آهي ته جڏهن مستقبل ۾ ان معاملي جي باقائده ٻڌڻي ٿيندي ته عدالت ۾ اسان جو موقف درست ثابت ٿي ويندو. انهن چيو ته ڇو ته اهو معاملو عدالت ۾ ٻڌڻي هيٺ آهي، ان جي ڪري ان باري ۾ وڌيڪ ڪجھھ ڳالھائڻ مناسب نه آهي.
*****