جناب الطاف حسين تي عائد پابندي جي خلاف ايم ڪيو ايم جي مطالبي جي ڀرپور حمايت ڪريان ٿو. پي پي سينيٽر ڊاڪٽر قيوم سومرو

ڪراچي 22 فيبروري 2016 

                       قائد تحريڪ جناب الطاف حسين جي تحرير، تقرير ۽ تصوير تي عائد پابندي جي خلاف علامتي بک هڙتالي ڪيمپ جي ٽئين ڏينهن مختلف وفدن جي آمد جو سلسلو جاري رهيو. ٽئين ڏينهن بک هڙتالي ڪميپ تي ميڊيا سان ڳالھھ ٻولھھ ڪندي پي پي سينيٽر قيوم سومرو چيو ته مان جناب الطاف حسين ۽ ايم ڪيو ايم جي آواز ۾ آواز ملائي رهيو آهيان ۽ جناب الطاف حسين سان يڪجهتي جو اظهار به ڪريان ٿو. انهن چيو ته پي پي هميشه مظلومن جو ساٿ ڏنو آهي ۽ جناب الطاف حسين تان اها پابندي ختم ٿيڻ گهرجي. ان موقعي تي ڳالھھ ٻولھھ ڪندي اي اين پي ولي خان گروپ جي صدر فضل ڪريم لالا چيو  ته سلام ان قائد جمهوريت کي جنهن پنهنجي پوري زندگي حق جي لاءِ گذاري ڇڏي آهي. انهن چيو ته ان قائد جي مٿان پابندي آئين جي سراسر خلاف آهي ۽ انساني حقن جي به خلاف ورزي آهي . ان موقعي تي ڳالھھ ٻولھھ ڪندي آل ڪراچي تاجر اتحاد جي صدر عتيق مير چيو ته جناب الطاف حسين جا پيغام انهن جي چاهڻ وارن جي لاءِ انرجي کان گهٽ نه آهن ان جي ڪري جناب الطاف حسين تان پابندي فوري طور تي ختم ٿيڻ گهرجي. ان موقعي تي سابق چيئرمين اليڪشن ڪميشن آف پاڪستان ۽ نيشنل ڊيموڪريٽڪ  فائونڊيشن جي چيئرمين ڪنور دلشاد چيو ته قومي اسيمبلي ، صوبائي اسيمبلي ۽ سينيٽ ۾ ايم ڪيو ايم جي مينڊيٽ کي نظر ۾ رکندي جناب الطاف حسين تان پابندي فوري طور تي هٽائي وڃي.ان موقعي تي سينيئر تجزيه نگار ادريس بختيار  چيو ته ايوب دور ۾ به اسان اهڙي پابندي نه ڏٺي هئي، ان دور ۾اخبار به بند ٿيندا هئا، سنسر شپ به ٿيندي هئي پر اهڙي پابندي نه ڏٺي جو ڪنهن جي بيان ۽ تصوير تي پابندي عائد هجي. انهن چيو ته جناب الطاف حسين تان پابندي فوري طور تي هٽائي وڃي. ان موقعي تي سابق صوبائي مشير ۽ ڪالم نگار صلاح الدين حيدر چيو ته اڄ به منهنجو دل ايم ڪيو ايم ۽ جناب الطاف حسين سان گڏ ڌڙڪي رهيو آهي. ان موقعي تي انگريزي اخبار نيشنل ڪوريئر جي ايڊيٽر انچيف ابوالحسن عثماني، هيومن رائيٽس ڪميشن ميڊيا جي ڪوآرڊينيٽر انور ڪمال، نيشنل بينڪ آف پاڪستان آفيسرز ايسوسي ايشن جي سيڪريٽري جنرل محسن جميل، پي ٽي آئي ڪراچي جي سابق انفارميشن سيڪريٽري ايم اي علي جان، نيوز اينڪر جنيد اقبال، اسپورٽس مين ايسوسي ايشن جي وفد، ايپٽا جي وفد، رٽائرڊ آفيسرز ايسوسي ايشن جي وفد، فرينڊز پرائيويٽ اسڪولز ايسوسي ايشن جي چيئرمين جهانزيب حسين، عيسائي برادري جي وفد، نيو ڪراچي جي پٽني برادري جي وفد،جماعت المسلمين جي وفد، پير آف جهڏو شريف، ڪراچي ويلفيئر ايسوسي ايشن جي وفد ۽ نالي واري مزاحيه فنڪار سليم آفريدي به قائد تحريڪ جناب الطاف حسين سان يڪجهتي جو اظهار ڪيو ۽ مطالبو ڪيو ته جناب الطاف حسين تان پابندي فوري طور تي هٽائي وڃي.

*****