متحده قومي موومينٽ جي رابطا ڪميٽي لنڊن ۽ پاڪستان جو هنگامي اجلاس

ڪراچي: 17 فيبروري 2016 

                   متحده قومي موومينٽ جي رابطا ڪميٽي لنڊن ۽ پاڪستان جو هڪ هنگامي اجلاس ٿيو. جنهن ۾ ملڪ جي گڏيل صورتحال، عالمي سطح تي ٿيندڙ ماحولياتي تبديلين، پاڪستان ۾ زلزلن، سيلاب ۽ قدرتي آفتن کي نظر ۾ رکندي قائد تحريڪ جناب الطاف حسين جي محب وطن پاڪستانين جي نالي دردمندانه اپيل تي غور ڪيو ويو. اجلاس ۾ چيو ويو ته قائد تحريڪ جناب الطاف حسين پنهنجي 38 ساله جدوجهد جي دوران جيڪي اڳڪٿيون ڪيون آهن، اهي هڪ هڪ ڪري سچ ثابت ٿي رهيون آهن. ايم ڪيو ايم جي خلاف سازشن کان علاوه قائد تحريڪ جناب الطاف حسين ڪراچي ۾ طالبانائيزيشن ۽ پوءِ داعش جي خطري کان به سڄي ملڪ کي اڳواٽ ئي آگاھ ڪري ڇڏيو هو. پر اختياري ڌرين ۽ ميڊيا جي نمائندن جي طرفان جناب الطاف حسين جي خدشن تي سنجيدگي جو مظاهرو ڪرڻ جي بجاءِ انهن جو مذاق اڏايو ويو. اجلاس ۾ وڌيڪ چيو ويو ته 

اڄ پاڪستان جي هر حصي ۾ طالبانائيزيشن ، داعش ۽ پابندي وڌل تنظيمن جي موجودگي ان ڳالھھ جو واضع ثبوت آهي ته قائد تحريڪ جناب الطاف حسين جا خدشا درست هئا. پر ايم ڪيو ايم دشمني ۾ جناب الطاف حسين جي ڳالهين کي ڄاڻي ٻجهي نظر انداز ڪيو ويو. جنهن جو نقصان ملڪ ۽ قوم کي ٿيو. اجلاس ۾ چيو ويو ته قائد تحريڪ جناب الطاف حسين پنهنجي بيان ۾ جن خدشن جو اظهار ڪيو آهي. ان تي رابطا ڪميٽي جي اجلاس ۾ طئي ڪيو ويو آهي ته ملڪ ۽ قوم جي لاءِ ايندڙ 15 ڏينهن اهم آهن ان جي ڪري ايم ڪيو ايم جي سمورن ذميوارن ۽ ڪارڪنن تي لازم آهي ته اهي سڄي ملڪ ۾ قائد تحريڪ جناب الطاف حسين جو پيغام پهچائڻ جي لاءِ پنهنجو ڀرپور ڪردار ادا ڪن.رابطا ڪميٽي سڄي ملڪ جي عوام کي اپيل ڪئي ته اهي ايندڙ 15 ڏينهن ۾ پنهنجي اچ وچ ۾ وڏي احتياط ڪن ۽ پنهنجو ضروري راشن به گڏ ڪري رکن.

*****