عوام 15 ڏينهن جي لاءِ پنهنجيون ضروري دوائون ۽ راشن گڏ ڪري رکن.قائد تحريڪ جناب الطاف حسين

لنڊن: 17 فيبروري 2016 

                متحده قومي موومينٽ جي قائد جناب الطاف حسين سمورن پاڪستانين کي دردمندانه اپيل ڪئي آهي ته اهي ايندڙ 15 ڏينهن تائين وڏي احتياط ڪن ۽ چوڪس رهن ۽ نه صرف  پنهنجيون اکيون بلڪه دماغ به کولي ڪري پنهنجي اچ وڃ ڪن. پنهنجي هڪ بيان ۾ جناب الطاف حسين فرمايو ته شگر، بلڊ پريشر، دل ، نفسيات ۽ ٽينشن جهڙن مرضن ۾ مبتلا ماڻهن جي لاءِ ڊاڪٽرن جيڪي دوائون تجويز ڪيون آهن، اهي انهن جي 15 ڏينهن جي لازمي ڪوٽا پنهنجن گهرن ۾ رکن. ڊاڪٽرن جي مشوري سان 15 ڏينهن جي لاءِ پنهنجن ٻارن کي ڏني ويندڙ دوائن جو اسٽاڪ به گهرن ۾ رکن ۽ اهڙي طرح عوام پنهنجن گهرن ۾ راشن ۽ روز مره جون ٻيون ضروري شيون به رکن. انهن وڌيڪ فرمايو ته عوام پنهنجن ڪپڙن کي به ڌورائي رکن ته جيئن اهي انهن کي آساني سان استعمال ڪري سگهن. ان کان علاوه روز مره جون ٻيون شيون جن ۾ بيٽري، سيلَ، ماچيس، ميڻ 

بتيون، تيل، ڪاٺي، ڪوئلو ۽ ٻيون شيون به شامل آهن انهن کي به گڏ ڪري رکن ۽ پنهنجين گاڏين ۾ پيٽرول به وجهرائي رکن. جناب الطاف حسين سڄي ملڪ جي محب وطن پاڪستانين کي مخاطب ڪندي فرمايو ته اوهان ڏسي رهيا آهيو ته موسم ۾ اچانڪ تبديلي اچي رهي آهي. پاڪستان ۾ لڳاتار زلزلا به اچي رهيا آهن ۽ سياسي ماحول به انتهائي غير يقيني وارو آهي. انهن حالتن ۾ ايندڙ 15 ڏينهن انتهائي اهم آهن. منهنجي دعا آهي ته الله تعالٰي اوهان جو ۽ اسان سڀني جو حامي ۽ مددگار هجي. آمين.

*****