قائد تحريڪ جناب الطاف حسين کي انهن جو پاسپورٽ واپس ملڻ ۽ سفري پابنديون ختم ٿيڻ تي ڪارڪنن ۾ خوشي جي لهر ڇائنجي وئي
ڪراچي: 16 فيبروري 2016
متحده قومي موومينٽ جي قائد جناب الطاف حسين کي برطانوي پوليس پاسپورٽ واپس ڪري ڇڏيو آهي. واضع رهي ته لنڊن ۾ جاري مني لانڊرنگ ڪيس جي الزامن جي تفتيش جي سلسلي ۾ انهن جو پاسپورٽ لنڊن پوليس پاڻ وٽ جمع ڪيو هو، پر ٻه فيبروري تي جناب الطاف حسين تي پوليس جون پابنديون ختم ٿيڻ کان پوءِ اڄ ميٽرو پوليٽن پوليس جناب الطاف حسين کي پاسپورٽ واپس ڪري ڇڏيو آهي ۽ انهن تان سفر جون پابنديون به ختم ڪري ڇڏيون آهن. قائد تحريڪ جناب الطاف حسين کي انهن جو پاسپورٽ واپس ملڻ تي پاڪستان سميت سڄي دنيا ۾ ايم ڪيو ايم جي ڪارڪنن، همدردن ۽ جناب الطاف حسين جي عقيدت مندن ۾ خوشي جي لهر ڇائنجي وئي آهي ۽ نائن زيرو ۽ لنڊن سيڪريٽريٽ ۾ مبارڪباد جي پيغامن جي لانڍ ٻڌجي وئي آهي. پنهنجن پيغامن ۾ عوام چيو ته قائد تحريڪ جناب الطاف حسين کي انهن جو پاسپورٽ واپس ملڻ تي اڄ هڪ ڀيرو ٻيهر قائد تحريڪ جناب الطاف حسين جي سچائي ثابت ٿي وئي آهي. ان موقعي تي عوام قائد تحريڪ جناب الطاف حسين جي وڏي عمر ۽ صحت و سلامتي جي لاءِ دعائون به ڪيون.
*****