حب ڊيم ريزرووائر تي تجاوزن، جبلن جي ڪٽائي جي لاءِ جبلن کي بمن سان اڏائڻ ، پٿرن کي ڪڍڻ ۽ زمينن تي قبضي جي غير قانوني ڪاروبار تي سنڌ اسيمبلي جي حق پرست ميمبرن جي طرفان ڳڻتي جو اظهار
ڪراچي: 15 فيبروري 2016
سنڌ اسيمبلي جي حق پرست ميمبرن حب ڊيم ريزروائر تي تجاوزن، جبلن جي ڪٽائي جي لاءِ جبلن کي بمن سان اڏائڻ، پٿرن کي ڪڍڻ ۽ زمينن تي قبضي جي غير قانوني ڪاروبار جي سخت ترين لفظن ۾ مذمت ڪئي آهي. پنهنجي هڪ بيان ۾ انهن چيو ته حب ڊيم ريزروائر تي تجاوزن ۽ جبلن جي ڪٽائي سان ڪراچي واٽر اينڊ سيوريج جي لائينن کي به نقصان پهچڻ جو خطرو آهي. جنهن سان ڪراچي ۾ پاڻي جي بحران پيدا ٿيڻ جو خطرو پيدا ٿي سگهي ٿو.انهن چيو ته حب جي جنهن هنڌ کان ڪراچي واٽر اينڊ سيوريج جون لائينون گذري رهيون آهن اتي قبضي جي لاءِ کاٽي ۽ پٿر ڪڍڻ جي ڌندي ۾ ملوث عناصر نه صرف واٽر بورڊ جي آفيسرن ۽ اسٽاف کي ڌمڪيون ڏيئي رهي آهن. پر ان تي سنڌ حڪومت جو خاموش تماشائي بڻجڻ ڪراچي جي عوام سان دشمني ڪرڻ جي برابر آهي جنهن جي جيتري به مذمت ڪئي وڃي اها گهٽ آهي. انهن وزير اعلٰي سنڌ کان مطالبو ڪيو ته اهي ان جو فوري طور تي نوٽس وٺن.
*****