قائد تحريڪ جناب الطاف حسين جي ضمانت جي منسوخي ۽ شرطن جي خاتمي جي اطلاع ملندي ئي ايم ڪيو ايم انٽرنيشنل سيڪريٽريٽ ۾ جشن.

لنڊن: پهرين فيبروري 2016 

                  مني لانڊرنگ جي ڪيس ۾ جاري تفتيش جي سلسلي ۾ جناب الطاف حسين ۽ ايم ڪيو ايم جي سينيئر ميمبرن جي ضمانت جي منسوخي ۽ پوليس جي طرفان عائد ڪيل شرطن جي خاتمي جي اطلاع جيئن ئي لنڊن ۾ ايم ڪيو ايم انٽرنيشنل سيڪريٽريٽ ۾ ملي ته  سيڪريٽريٽ ۾ موجود سمورن رابطا ڪميٽي جي ميمبرن ۽ ڪارڪنن ۾ خوشي ڇائنجي وئي ۽ سمورن نعره الطاف .....جيئي الطاف جا زوردار نعرا هنيا ۽ هڪ ٻئي سان ڀاڪر پائي ڪري مبارڪباد به پيش ڪئي. جناب الطاف حسين به انٽرنيشنل سيڪريٽريٽ فون ڪيو ته سمورن ذميوارن ۽ ڪارڪنن هڪ ڀيرو ٻيهر جيئي الطاف جا زوردار نعرا هنيا ۽ سڀني جناب الطاف حسين کي مبارڪباد به پيش ڪئي. ان موقعي تي رابطا ڪميٽي جي ميمبرن ۽ ڪارڪنن جي اکين ۾ خوشي ۾ ڳوڙها اچي ويا.  جناب الطاف حسين به سڀني کي مبارڪباد پيش ڪئي ۽ سڀني جي لاءِ دعائون به ڪيون. ان کان پوءِ جناب الطاف حسين نائن زيرو تي به فون ڪيو ۽ اتي به موجود رابطا ڪميٽي جي ميمبرن ۽ 

شعبن جي ميمبرن کي ان خبر کان آگاھ ڪيو. اتي به اها خبر ٻڌندي ئي رابطا ڪميٽي ۽ سمورا ڪارڪن خوشي ۾ بي اختيار ٿي ويا ۽ جيئي الطاف جا نعرا هڻڻ شروع ڪري ڇڏيا. سمورن ساٿين به جناب الطاف حسين کي ان ڳالھھ جي مبارڪباد پيش ڪئي. جناب الطاف حسين ان موقعي تي ڳالھھ ٻولھھ ڪندي قرآن پاڪ جي سوره والعصر ۽ سوره ڪوثر جي تلاوت به ڪئي ۽ فرمايو ته مان ڪالھھ به الله تعالٰي جي رضا تي راضي هيس ۽ اڄ به ان جي اڳيان ئي جهڪان ٿو. انهن سمورن ساٿين کي به چيو ته اوهان به الله تعالٰي جو شڪريو ادا ڪريو ۽ اهو يقين رکو ته اسان حق تي آهيون. 

*****