گارڊن جي علائقي مان ايم ڪيو ايم جي ڪارڪن منهاج قاضي جي بي ڏوهي گرفتاري تي ايم ڪيو ايم رابطا ڪميٽي جي طرفان مذمت جو اظهار.
ڪراچي: 29 جنوري 2016
متحده قومي موومينٽ جي رابطا ڪميٽي رينجر اهلڪارن جي هٿان گارڊن جي علائقي کان ايم ڪيو ايم جي ڪارڪن منهاج قاضي جي گرفتاري جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته اڄ صبح سوير رينجر منهاج قاضي جي گهر تي ڇاپو هڻي انهن کي گرفتار ڪري ورتو ۽ انهن کي پاڻ سان گڏ وٺي وئي. رابطا ڪميٽي چيو ته گرفتاري کان پوءِ منهاج قاضي جي باري ۾ رينجر جي طرفان انهن جي گهر وارن کي ڪجھھ به ٻڌايو نه ٿو وڃي جنهن جي ڪري اهي سخت پريشان آهن. رابطا ڪميٽي چيو ته حراست ۾ ورتل هر شخص کي آئين ۽ قانون پنهنجي حق جو دفاع ڪرڻ جو حق ڏيئي ٿو ۽ آئين ۽ قانون جو تقاضا آهي ته منهاج قاضي جي گرفتاري ظاهر ڪئي وڃي ۽ انهن کي قانوني سهولتون فراهم ڪيون وڃن. رابطا ڪميٽي وزير اعظم ميان نواز شريف ، وزير اعلٰي سنڌ سيد قائم علي شاھ ۽ ڊي جي رينجر ميجر جنرل بلال اڪبر کان مطالبو ڪيو ته منهاج قاضي جي بي ڏوهي گرفتاري جو سختي سان نوٽس ورتو وڃي ۽ حراست جي دوران انهن جي زندگي کي لاڳو خطرن کي دور ڪري انهن جي گهر وارن کي مطمئن ڪيو وڃي.