جناب الطاف حسين جي ڪروڙين چاهڻ وارن کي انهن جي خطابن ۽ بيانن کي سڌي ريت ٻڌڻ جي حق کان محروم رکڻ وڏو ظلم آهي. قومي اسيمبلي جا حق پرست ميمبر.
ڪراچي: 29 جنوري 2016
قومي اسيمبلي جي حق پرست ميمبرن چيو آهي ته پرنٽ ۽ اليڪٽرانڪ ميڊيا تي قائد تحريڪ جناب الطاف حسين جي خطابن، بيانن ۽ تصويرن تي پابندي سان جناب الطاف حسين جي ڪروڙين چاهڻ وارن جي دل آزاري ٿي رهي آهي ۽ انهن کي پنهنجي قائد جا سڌي ريت خطاب ۽ بيان ٻڌڻ جي حق کان محروم رکيو پيو وڃي. جيڪو وڏو ظلم آهي. پنهنجي هڪ گڏيل بيان ۾ انهن چيو ته قائد تحريڪ جناب الطاف حسين ملڪ جا سڀني کان وڏا صابر، سچا ۽ بهادر ليڊر آهن. جن سڄي ملڪ جي مظلوم قومن جي حقن جي حصول جي لاءِ نه صرف آواز بلند ڪئي آهي پر غريب ۽ وچولي طبقي سان تعلق رکندڙ ماڻهن کي تعصب کان مٿانهون ٿي ڪري ملڪ جي ايوانن ۾ به پهچايو آهي. انهن چيو ته جناب الطاف حسين ئي اهي واحد ليڊر آهن جن ملڪ ۾ سڀني کان پهرين طالبان، القائده ۽ داعش جي دهشت گردن جي موجودگي جي باري ۾ ٻڌايو. جنهن مان انهن جي حب الوطني جو اندازو لڳائي سگهجي ٿو ۽ طالبان، القائده ۽ داعش جي موجودگي جون حقيقتون بيان ڪرڻ واري قائد جي خطابن ، بيانن ۽ تصويرن تي پابندي عائد ڪرڻ سراسر ملڪ جي مضبوطي جي خلاف عمل آهي. جنهن جي جيتري به مذمت ڪئي وڃي اها گهٽ آهي. انهن وزير اعظم ميان نواز شريف، آرمي چيف جنرل راحيل شريف ۽ چيف جسٽس آف پاڪستان سميت چئني صوبن جي چيف جسٽس صاحبان کي اپيل ڪئي ته اهي جناب الطاف حسين تي عائد پابندي کي فوري طور تي ختم ڪرائين ۽ اظهار رائي جي حق کي ڇڻڻ جي عمل کي ختم ڪرائي پنهنجين ذميوارين کي پورو ڪن.