اڱاري جو ڏينهن اسيمبلي ۾ پرائيويٽ ميمبر ڏينهن هوندو آهي پر سنڌ حڪومت ان ڏينهن لوڪل گورنمينٽ ايڪٽ 2013 جي بل ۾ ترميم آندي آهي. خواجه اظهار الحسن.
پي پي پنهنجي اڪثريت جي بنياد تي پنهنجي مرضي جون ترميمون آڻي رهي آهي. جنهن کي اسان هائي ڪورٽ ۾ چيلنج ڪيو آهي. وسيم اختر.
سنڌ لوڪل گورنمينٽ ترميمي آرڊيننس 2013 جي متعلق سنڌ هائي ڪورٽ ۾ مقدمي جي ٻڌڻي کان پوءِ ميڊيا سان ڳالھھ ٻولھھ.
ڪراچي: 28 جنوري 2016
سنڌ اسيمبلي ۾ اپوزيشن ليڊر خواجه اظهار الحسن چيو آهي ته اڱاري جو ڏينهن اسيمبلي ۾ پرائيويٽ ميمبر ڏينهن هوندو آهي پر سنڌ حڪومت جي طرفان ان ڏينهن ترميم ڪئي وئي آهي جيڪو غير قانوني آهي. انهن خيالن جو اظهار انهن سنڌ لوڪل گورنمينٽ ترميمي آرڊيننس 2013 جي خلاف سنڌ هائي ڪورٽ ۾ مقدمي جي ٻڌڻي کان پوءِ هائي ڪورٽ جي ٻاهران ميڊيا سان ڳالھھ ٻولھھ ڪندي ڪيو. ان موقعي تي رابطا ڪميٽي ميمبر گلفراز خان خٽڪ ۽ نامزد ميئر وسيم اختر به موجود هئا. خواجه اظهار الحسن چيو ته پي پي پنهنجي اڪثريت جي بنياد تي اسيمبلي کي پنهنجي اوطاق بڻائي ڇڏيو آهي ۽ انهي جي ڪري اها پنهنجي مرضي جون ترميمون ڪرائي رهي آهي، پر اسان هائي ڪورٽ کي اهو ئي ٻڌائڻ آيا آهيون ته اها شو آف هينڊ جي ترميم اڳ نه هئي، پر هاڻي ان قسم جون ترميمون ڪري مڪاني نمائندن کي خريد ڪرڻ جي ڪوشش ڪئي پئي وڃي. ان موقعي تي خطاب ڪندي وسيم اختر چيو ته پي پي اسيمبلي ۾ اڪثريت ۾ هجڻ جي ڪري پنهنجي مرضي جون ترميمون ڪري رهي آهي. جنهن کي اسان هائي ڪورٽ ۾ چيلنج ڪيو آهي. انهن ان اميد جو اظهار ڪيو ته اسان کي هائي ڪورٽ کان انصاف ملندو. انهن وڌيڪ چيو ته اليڪشن جي رولز جي مطابق شيڊول انائونس هجڻ کان پوءِ ترميم نه ٿي ڪري سگهجي.
*****