پيپلز پارٽي ايم ڪيو ايم جي وجود کي ختم ڪرڻ جي لاءِ غير آئيني ۽ غير قانوني حرڪتن تي لهي آئي آهي. قائد تحريڪ جناب الطاف حسين

لنڊن: 11 جنوري 2016 

متحده قومي موومينٽ جي قائد جناب الطاف حسين پنهنجي هڪ تازه ترين ۽ اهم بيان ۾ ايم ڪيو ايم جي سمورن ذميوارن، ڪارڪنن ۽ عوام کي مخاطب ڪندي فرمايو آهي ته پاڪستان پيپلز پارٽي ايم ڪيو ايم جي وجود کي ختم ڪرڻ جي لاءِ هڪ ڀيرو ٻيهر غير آئيني ۽ غير قانوني حرڪتن تي لهي آئي آهي. انهن فرمايو ته جتان به ايم ڪيو ايم مڪاني اليڪشن ۾ ڪاميابي حاصل ڪئي آهي.پي پي هاڻي کان ئي انهن علائقن جي ماڻهن کي وڌيڪ پريشانين جي دٻڻ ۾ ڌڪڻ ۽ انهن جي زندگين کي زهر بڻائڻ شروع ڪري ڇڏيو آهي. ان سلسلي ۾ پي پي جماعت اسلامي سميت سمورين ايم ڪيو ايم دشمن جماعتن ايستائين جو اسٽيبلشمينٽ جي ڪجھھ اهم ماڻهن سان به رابطا مڪمل ڪري ورتا آهن ۽ پنهنجي سازشي ۽ مڪروھ منصوبي جي شروعات ڪري ڇڏي آهي. انهي سازشي منصوبي جي تحت هڪ طرف ته روزانو شهر جي پاڻي جي لائينن کي نقصان پهچايو پيو وڃي ۽ ٻئي طرف حڪومتي اهلڪارن جي ذريعي ڪراچي، حيدرآباد، ميرپورخاص، نواب شاھ ۽ سکر ۾ گٽرن جا ڍڪڻ گم ڪري شهرين جي گاڏين کي نقصان پهچائڻ، ٽريفڪ جام ڪرڻ ۽ انهن کي ذهني ۽ جسماني طور تي تڪليف ڏيڻ جو سلسلو شروع ڪري ڇڏيو آهي.جڏهن ته ٽئين طرف پي پي جي حڪومت ايم ڪيو ايم جي نامزد ميئر ڪراچي ۽ ٻين اڳواڻڻ تي روزانو نوان نوان الزام ۽ مقدما قائم ڪرڻ ۽ انهن الزامن جي تحت انهن کي جيلن ۾ وجهڻ جي لاءِ عدالتن کي به استعمال ڪرڻ شروع ڪري ڇڏيو آهي. انهن فرمايو ته ان سازش جي ثبوت جي لاءِ مان 10 جنوري 2016 تي وزير اعلٰي سنڌ سيد قائم علي شاھ جي ان بيان کي پيش ڪريان ٿو جنهن ۾ انهن ايم ڪيو ايم جو نالو وٺڻ کان سواءِ چيو ته“ جڏهن شروع ۾ آپريشن ٿي رهيو هو ته اهو ٺيڪ ٿي رهيو هو پر هاڻي ان جو رخ پي پي ڏانهن موڙي ڪري ان کي مشڪوڪ بڻايو ويو آهي”. جناب الطاف حسين سمورن ڪارڪنن خصوصن رابطا ڪميٽي کي چيو ته اها جرت ۽ همت جو مظاهرو ڪري ۽ جهڙي طرح انهن ماضي ۾ ايم ڪيو ايم جي خلاف ڪئي ويندڙ سازشن کي ناڪام بڻايو آهي. اهڙي طرح انهن تازه سازشن کي به ناڪام بڻائڻ جي لاءِ ذهني ۽ جسماني طور تي تيار ٿي وڃن ۽ پرامن احتجاجي مظاهرن جي ذريعي پي پي حڪومت جي غير آئيني ۽ غير قانوني قدمن کان دنيا کي آگاھ ڪن.