اظفر رضوي شهيد ملڪ ۾ هڪ آزاد ۽ ترقي پسند سماج جي جوڙ جڪ جي لاءِ درس و تدريس ( پڙهڻ ۽ پڙهائڻ ) جو سهارو ورتو. حق پرست سينيٽر نسرين جليل.
ڍاڪا گروپ آف ايجوڪيشن انسٽي ٽيوٽ ۾ اظفر رضوي شهيد جي ڪتاب “ ميري عالي جي” جي تقريب رونمائي کي خطاب.
ڪراچي: 10 جنوري 2016
متحده قومي موومينٽ جي سينيٽر محترمه نسرين جليل چيو آهي ته اظفر رضوي شهيد ملڪ ۾ هڪ آزاد ۽ ترقي پسند سماج جي جوڙ جڪ جي لاءِ درس و تدريس( لکڻ ۽ پڙهائڻ ) جو سهارو ورتو. تقريري مقابلا ڪرايا، جن ۾ مدرسن جا شاگرد به شريڪ ٿيندا هئا ته جيئن بحث و مباحثي جي ذريعي ذهن کلي سگهن. انهن خيالن جو اظهار انهن ڍاڪا گروپ آف ايجوڪيشن انسٽي ٽيوٽ ۾ اظفر رضوي شهيد جي ڪتاب“ ميري عالي جي” جي تقريب رونمائي کي خطاب ڪندي ڪيو. تقريب جي صدارت ڊاڪٽر قاسم پيرزاده ڪئي.ان موقعي تي ممتاز دانشور ۽ ايڊيٽر محمود شام، ڊاڪٽر فاطمه حسن، شاعر عارف شفيق ۽ ٻيون معزز شخصيتون به موجود هيون. محترمه نسرين جليل خطاب ڪندي چيو ته اظفر رضوي انهن پاڪستانين مان هئا جن هڪ وڏي محنت ڪري پنهنجو مقام ٺاهيو هو ۽ ٻه ڀيرا هجرت به ڪئي هئي. انهن چيو ته اظفر رضوي شهيد جي سوچ ۽ ايم ڪيو ايم جي سوچ ۾ هڪ جهڙائي هئي. ڇو ته ايم ڪيو ايم به جاگيرداراڻه ۽ وڏيراڻه نظام جو خاتمو چاهي ٿي ۽ اظفر رضوي جي زندگي به انهن ئي ظالمن جي خلاف وڙهندي گذري. انهن مرحوم جميل الدين عالي جي حوالي سان پنهنجن خيالن جو اظهار ڪندي چيو ته مرحوم ٽي سال مون سان گڏ سينيٽ جا ميمبر رهيا ۽ مرحوم کي هميشه ياد هوندو هو ته منهنجي والد پاڪستان جي لاءِ ڪيترو ڪم ڪيو آهي.انهن وڌيڪ چيو ته اڄ جڏهن ته دنيا ٽئين عالمي جنگ جي ڪناري تي بيٺل آهي ته پاڪستان کي اهڙين حالتن ۾ سعودي عرب يا ايران جو ساٿ ڏيڻ جي بجاءِ پاڪستان جي باري ۾ سوچڻ گهرجي ۽ ٽياڪڙي جو ڪردار ادا ڪرڻ گهرجي.
*****