منهنجو يا قائد تحريڪ جناب الطاف حسين يا ايم ڪيو ايم جي ڪنهن به ذميوار يا ڪارڪن جو ڊاڪٽر عمران فاروق شهيد جي قتل سان ڪوئي به واسطو نه آهي. محمد انور.
لنڊن: 8 جنوري 2016
متحده قومي موومينٽ جي اڳواڻ محمد انور پنهنجي هڪ بيان ۾ واضع لفظن ۾ چيو آهي ته انهن جو يا قائد تحريڪ جناب الطاف حسين يا ايم ڪيو ايم جي ڪنهن به ذميوار يا ڪارڪن جو ايم ڪيو ايم جي ڪنوينر ڊاڪٽر عمران فاروق شهيد جي قتل سان ڪوئي به واسطو نه آهي. محمد انور چيو ته ڊاڪٽر عمران فاروق شهيد جي قتل جي الزام ۾ پاڪستان ۾ گرفتار ڪيل ماڻهن جي حوالي سان گذريل ڏينهن ميڊيا تي جيڪي مبينه اعترافي بيان سامهون آيو آهي ان ۾ انهن کي ملوث ڪرڻ جي ڪوشش ڪئي وئي آهي. انهن واضع لفظن ۾ چيو ته مان ان مبينه اعترافي بيان ۾ پنهنجي مٿان لڳايل الزامن جي سختي سان ترديد ڪريان ٿو. اهو الزام بلڪل ڪوڙو، بي بنياد ۽ حقيقت جي خلاف آهي. محمد انور چيو ته ماضي ۾ به اهڙي طرح ئي ڪوڙن الزامن ۽ هٿ ٺوڪيل اعترافي بيانن جي ذريعي ايم ڪيو ايم کي بدنام ڪرڻ جون ڪوششون ڪيون ويندي رهيون آهن ۽ هاڻي ڊاڪٽر عمران فاروق شهيد جي قتل ۾ به ايم ڪيو ايم کي ملوث ڪرڻ جي ڪوشش ايم ڪيو ايم جي خلاف انهن ئي سازشن جو تسلسل آهي.
*****