انسداد دهشت گردي جي عدالت ڊاڪٽر عاصم ڪيس ۾ رئوف صديقي جي ضمانت ۾ 8 جنوري ۽ ٻين 23 مقدمن ۾ 15 جنوري تائين واڌ ڪري ڇڏي آهي.
ڪراچي: 2 جنوري2016
انسداد دهشت گردي جي عدالت ڊاڪٽر عاصم ڪيس ۾ سابق صوبائي وزير رئوف صديقي جي ضمانت ۾ 8 جنوري ۽ ٻين 23 مقدمن ۾ 15 جنوري تائين واڌ ڪري ڇڏي آهي. ضمانتن ۾ واڌ ٿيڻ جي موقعي تي ڳالھھ ٻولھھ ڪندي رئوف صديقي چيو ته ايم ڪيو ايم ايشيا بلڪه پوري دنيا جي شايد اڪيلي جماعت آهي جنهن تي لکين مقدما قائم ڪيا ويا آهن. انهن چيو ته اسان تي ته هڪ گرفتار ڏوهاري جي بيان تي ته اسان دهشت گردن جو علاج ڪرايو آهي مقدما قائم ڪيا ويا آهن پر جڏهن ته پي ٽي آئي جي چيئرمين عمران خان اقبالي بيان ڏنو آهي ته انهن جي اسپتال ۾ تحريڪ طالبان جي وڏن وڏن اڳواڻڻ جو علاج ڪيو ويو آهي ۽ انهن طالبان اڳواڻڻ هڪ خط جي ذريعي عمران خان جو ٿورو به مڃيو آهي.انهن چيو ته انصاف جو تقاضا ته اهو آهي ته عمران خان جي خلاف به دهشت گردن جو علاج ڪرائڻ جو مقدمو قائم ڪيو وڃي.پر ان تي نه ته ميڊيا ڪجھھ ڳالهائي رهيو آهي ۽ نه ئي حڪومت ڪجھھ ڪري رهي آهي.
*****